اوتوپ‌دوروپدير


بير چويريك‌ هوز بيلن‌ جهان‌ جوهرين‌

اول‌ نه‌ قماربازدير،اوتوپ‌ دوروپدير

چويريك‌ سامان‌ اتميش‌ ماتا بازارين‌

 گوهره‌ برابر ساتيپ‌ دوروپدير

 

نه‌ دوشك‌ دير، آنگا باسان‌ ياريماز

نه‌ كشتي‌دير، دريا باتار، يوريمز

نه‌ انه‌دير، اولمز، ييتمز، قارريماز

 اوز بالاسين‌ اوزي‌ يووتيپ‌  دوروپدير

 

نه‌ چراغدير، گوزسيزلرگه‌ ياري‌دير

نه‌ گوزگودير، بو آينادان‌ آري‌دير

نه‌ ساقي‌دير، پياله‌سين‌ يوريدير

بير قولي‌ بوغازيندان‌ توتوپ‌ دوروپدير

 

نه‌ مخلوق‌ دير، نه‌ اركك‌ دير، نه‌ ديشي‌

 بير گوزي‌ ديم‌-آق‌ دير، بير گوزي‌ چاشي‌

رنگي‌ قارا، آلا اون‌ ايكي‌ باشي‌

يري‌ - گوگي‌ بيردن‌ توتوپ‌  دوروپدير

 

باشي‌ باريب‌ چيقميش‌ عرشينگ‌ اوستونه‌

آياغي‌ اينميش‌دير يرينگ‌ آستينا

جانلي‌، جان‌سيز، هر نه‌ گلسه‌ دستينه‌

دانناماي‌ دهاننا آتيپ‌ دوروپدير

 

دوستلار، هوس‌ اتمانگ‌ لولي‌ عيالي‌

 سيزي‌ آلدار، كوپدور آنينگ‌ خيالي‌

بو دنيا بير كور سيچانينگ‌ مثالي‌

 كوك‌لري‌ بيربه‌بير كرتيپ‌ دوروپدير

 

دوستلار، بير مثال‌دير تيليمه‌ گلن‌

 ذهن‌ قويسا، بيلر عقلي‌ بولان‌

جهان‌ يوزين‌ توتميش‌ بير قدرت‌ ييلان‌

قويروغي‌ باشيندان‌ اوتوب‌ دوروپدير

 

مختومقلي‌، مغرور بولما بو سوزه‌

هيچ‌ بيله‌ جانور ايلمه‌ميش‌ گوزه‌

ينه‌ بير قدرت‌ بار، يدي‌ كلپزه‌

شول‌ بييك‌ ييلاني‌ يووتوب‌ دوروپدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی