انه‌ده‌بيزني


بير عشق‌لي‌ سوو ايلاپ‌، اول‌ آتاده‌ بيزني‌

صورت‌ ايلاپ‌ جان‌ بردينگ‌ سونگرا انه‌ده‌ بيزني‌

خوشوقت‌ ايلاپ‌ گزديردينگ‌، دارالفناده‌ بيزني‌

هر ايشه‌ مايل‌ اتدينگ‌، نفس‌ هواده‌ بيزني‌

كيم‌ بيلر كه‌ نيلار سن‌، دارالبقاده‌ بيزني‌

 

گاه‌ دنيا ط‌لب‌ ايلاپ‌، هم‌ يورتار من‌، يلر من‌

گاه‌ ييغلاب‌ اوز حاليما، گاه‌ خوش‌ اولوپ‌، گولر من‌

من‌ بير عجيز بنده‌ من‌، سانگا عرضيم‌ قيلار من‌

خدايا قيلما رسوا، كرمينگدن‌ تيلار من‌

بو دنيا هم‌ قيامت‌ قويما، اوياده‌ بيزني‌

 

عاصي‌ بولوپ‌ يوگير سن‌، كوب‌ گوله‌-گوله‌ بو دم‌

عذاب‌ چكيب‌ ياتار سن‌، يرينگ‌ آستيندا بي‌دم‌

ييغلاييپ‌ يكه‌ قالسانگ‌، كيم‌ سانگا اولا همدم‌؟

ير سانگا آيدار موني‌: "اشيت‌، اي‌ غافل‌ آدم‌!"

قويمازلار خوش‌ گزماگه‌، يالان‌ دنياده‌ بيزني‌

 

توتسالار قيل‌ كوپري‌ده‌، دورماسا آندا دابان‌

سورالان‌ وقت‌ خير و شر، "يسر لنا حسابا"

مومنه‌ خوش‌ وعده‌دير "و سقاهم‌ شرابا"

دييسه‌ اول‌ وقت‌ كافرلار: "يا ليتني‌ ترابا"

يا رب‌ اول‌ گون‌ لط‌ف‌ ايلاپ‌، آتماغين‌ اودا بيزني‌!

 

حقيقتينگ‌ يولوني‌ رهبرسيز گزمك‌ اولماز

جمال‌ ايسته‌گن‌ عاشق‌ گورمه‌ين‌ قيزماق‌ اولماز

عاشق‌ليغينگ‌ بلاسين‌ چكمه‌ين‌ سيزماق‌ اولماز

وصاله‌ دويماق‌ اولماز، هجرانه‌ دوزمك‌ اولماز

اورته‌مه‌ عشق‌ اودونا، موندان‌ زياده‌ بيزني‌

 

گل‌، كونگول‌، صبر ايله‌گيل‌، مونچاقلي‌ اوده‌ دوشمه‌

آز بيليپ‌، كوب‌ سوزله‌ييپ‌، غم‌ چشمه‌سيني‌ ايشمه‌

بي‌تاب‌ اولوپ‌ دوكر من‌، گوزياشيم‌ چشمه‌ - چشمه‌

ياغشي‌ - يامان‌ ايشيمينگ‌ هيچ‌ بيرينه‌ قاريشما

گناهيم‌ گذشت‌ ايلاپ‌، يتير مراده‌ بيزني‌

 

مختومقلي‌  بينوا، بيچاره‌ عندليبي‌

بير پارچه‌ غم‌ دوراني‌، بولموش‌ آنينگ‌ نصيبي‌

ييغيلسا، قيلماز چاره‌، آنگا دهرينگ‌ ط‌بيبي‌

هر مجلسده‌ صحبتده‌ شاد ايلانگ‌ بيز غريبي‌

اي‌ يارانلار، ياد ادينگ‌ خير دعاده‌ بيزني‌‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی