اوت‌نه‌دير؟


بيزدن‌ سلام‌ بولسون‌، دوردي‌ شاعره‌

نه‌ محراب‌ دير سوزلاپ‌ چيقان‌ اوت‌ نه‌ دير؟

كيم‌ دير- اولوپ‌، بير ييلدان‌ سونگ‌ بيليندي‌

دوقوز يوزدن‌ دوغان‌ نيم‌ ذريات‌ نه‌ دير؟

 

سن‌ گوزلي‌ آتا بولسانگ‌، بيز گركز ايلي‌

چول‌ يرده‌ گزر سن‌، ياد اديپ‌ ايلي‌

بيلرمينگ‌ تاموغينگ‌ چكيلن‌ ميلي‌

خبر بر اصليني‌، پل‌ صراط‌ نه‌ دير؟

 

اصلينا يتيشگيل‌ يالاندا - چيندا

سوز قيسغادير، معني‌ كوپدور ايچينده‌

بيلمر مو سن‌ قايسي‌ دريا ايچينده‌

آدمزاد جگرلي‌، ياتان‌ حوت‌ نه‌ دير؟

 

نه‌ آغير صرفه‌دير قايسي‌ اووجده‌ 

عالم‌ خراب‌ بولار نيچه‌ تاويشدا

قدرت‌ بيله‌ دورت‌ يوز نه‌ دير بير باشدا

دپره‌ننده‌، آندان‌ چيقان‌ اوت‌ نه‌ دير؟

 

نه‌ سينه‌، نه‌ جان‌ دير سوزله‌ بو سردان‌

 بيليندن‌ آشاغي‌ بولموش‌ حجردان‌

عاشق‌، بيان‌ ايله‌، قايسي‌ شجردن‌

 هم‌ جانلي‌، هم‌ جانسيز دوغان‌ زات‌ نه‌ دير؟

 

اول‌ كيمسه‌ دير گوزياشيني‌ داشديردي‌

نيچه‌ ييلدا اجابتين‌ دوشدوردي‌

اول‌ كيمسه‌ دير ضلالتين‌ جوشدوردي‌

 مراد الده‌ اكن‌، نامراد نه‌ دير؟

 

مختومقلي‌ آيدار، عاشق‌، بو سردا

 كايينمه‌يين‌ دوغري‌ سويله‌ بو يرده‌

موني‌ بيلرمي‌ سن‌ قايسي‌ شهرده‌

تركه‌ قوللوق‌ ادن‌ ايكي‌ تات‌ نه‌ دير؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی