انسان‌ياراتدي‌


بير الله‌غا آيداي‌ حمد و ثنالار

بير قيسيم‌ توپراقدان‌ انسان‌ ياراتدي‌

تن‌ فانوسين‌ قيلماق‌ اوچين‌ منور

جان‌ نوروندان‌ شمع‌ ايمان‌ ياراتدي‌

 

گورماگه‌ گوز بردي‌، ديل‌گه‌ مقالت‌

جاني‌ قويدي‌ تن‌ده‌ باش‌ گون‌ امانت‌

ازلده‌ هر كيمه‌ قيلسا عنايت‌

كوكره‌گينده‌ نور ايمان‌ ياراتدي‌

 

اولا ياراتدي‌ آدم‌ آتاني‌

آنگا جفت‌ ايله‌دي‌ انه‌ حواني‌

فردوس‌ اعلاده‌ اردي‌ مكاني‌

آنگا دوشمان‌ ملعون‌ شيطان‌ ياراتدي‌

 

حقدان‌ نزول‌ اولدي‌ موسي‌غا تورات‌

انجيل‌ وصفين‌ عيسي‌ ايله‌دي‌ اثبات‌

داود زبور اوقيپ‌، قيلدي‌ مناجات‌

محمد شانيندا فرقان‌ ياراتدي‌

 

محمدني‌ سرور ايلاپ‌ جهانا

دييدي‌ پيغمبردير آخر زمانا

جبرائيل‌دان‌ وحي‌ ايندريپ‌ روانا

كافرلارا شاه‌ مردان‌ ياراتدي‌

 

بيرين‌ پست‌ ايله‌دي‌، بيري‌سين‌ بلند

بيرين‌ فقير ايلاپ‌، بيرين‌ دولتمند

بيرين‌ خوار ايله‌دي‌، بيرين‌ ارجمند

بيرين‌ گدا، بيرين‌ سلطان‌ ياراتدي‌

 

آوازه‌سي‌ دوشوپ‌ روم‌ و يمن‌گه‌

مصر، شام‌ و هندوستان‌ و دكن‌گه‌

چاوي‌ دوشوپ‌ ختاي‌ بيله‌ ختن‌گه‌

بير اميري‌ صاحبقران‌ ياراتدي‌

 

قورقي‌سي‌ بگ‌لر ايچره‌ شاهانه‌

شجاعت‌ بحرينده‌ در  يگانه‌

بو ايش‌ محمددن‌ قالان‌ نشانه‌

تانگريم‌ اوني‌ مرد ميدان‌ ياراتدي‌

 

قارا يردن‌ ياشيل‌ سبزه‌ گوگرديپ‌

هر آغاچدان‌ دورلي‌ ميوه‌ چيقارديپ‌

گون‌-گوندن‌ باغلارينگ‌ ميوه‌سي‌ آرتيپ‌

گل‌ آچيليپ‌، باغ‌ و بستان‌ ياراتدي‌

 

مختومقلي‌ آيدار، حقه‌ ستايش‌

هر مشكل‌ ايشيمه‌ سن‌سينگ‌ گشايش‌

گيجه‌-گونديزلرگه‌ بريپ‌ نمايش‌

خورشيد ايله‌ ماه‌ تابان‌ ياراتدي

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی