اميره‌دونر


اولكه‌ده‌ صاحب‌ بولماسا

ارباب‌لار اميره‌ دونر

اوچ‌ ييل‌ شيره‌ اوچراماسا

تيلكي‌، شاغال‌ شيره‌ دونر

 

قهبه‌ فلك‌ قاشيق‌ سالار

بيرنه‌ بيير، بيريندن‌ آلار

هر كيمه‌ بير نوبات‌ گلر

اولكه‌ آغار، تورا دونر

 

شير هر چاقدا بير آو آتار

ديير: "آويما كيم‌ ال‌ قاتار"

فيل‌ بورنون‌ فلكه‌ توتار

كرگ‌ گورسه‌، خميره‌ دونر

 

اجل‌ يتر، آدام‌ دويماز

دوران‌ گچر، عمر دويماز

تيلكي‌ سارقيدين‌ شير اييمز

بير ايياسه‌، زهره‌ دونر

 

درد - يوركده‌ بير اوت‌ بولار

سوز - جهاندا بير آد بولار

فقرا آشنا ياد بولار

ماللانسا، ياد يارا دونر

 

مردلر جنگده‌ - توي‌ ايچينده

آچ‌ بوري‌دير قوي‌ ايچينده‌

نامرد قورقار اوي‌ ايچينده

بارسانگ‌، خيرا - خيرا دونر

 

مختومقلي‌، بودور دردينگ‌

صاحبي‌ گرك‌ هر يوردينگ‌

شير ضربين‌ گورمه‌ين‌ قوردينگ‌

هر مورتي‌ بير تيره‌ دونر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی