امرخان‌گلر


عملا صالحا ياغشي‌ عمل‌ قيل

 بير گون‌ سانگا روان‌ امر خان‌ گلر

عزرائيل‌ گليبان‌ سيقار آياقدان

آغيز ط‌رافيندان‌ عزيز جان‌ گلر

 

عمرينگ‌ آخر بولسا، تندن‌ جان‌ گيدر

جان‌ دورماز، دايانماز سني‌ ترك‌ ادر

اوغول‌ قيزينگ‌ مونچا آه‌ و واي‌ ادر

صورت‌ ياتار، نه‌ قولاغا اوين‌ گلر

 

جانينگ‌ آليپ‌ قوش‌ قولتوغينا سالارلار

جسدينگ‌ني‌ ير اويونده‌ قويارلار

"من‌ ربك‌؟" دييپ‌ منكر نكير گلرلر

 سوالي‌غا جواب‌ يامان‌ قين‌ گلر

 

امانت‌ خيانت‌ برمه‌سنگ‌ قرضي

ادا ايله‌مه‌سنگ‌ سنتي‌ فرضي‌

منكر نكير اورغاي‌ اوتلي‌ گرزي‌

آغزينگدان‌ بورنينگدان‌ قارا قان‌ گلر

 

توتاور بويروغين‌ اي‌ مختومقلي

جهد ايله‌گيل‌ گون‌ گوندن‌ اي‌ مختومقلي‌

دينچليق‌ قيلما مونده‌، اي‌ مختومقلي‌

قبر ايچينده‌ سانگا ايشلر كان‌ گلر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی