البته‌بيزار


كيشي‌ ارته‌ نماز ترك‌ ايله‌سه‌ بار

كلامي‌ حق‌، بولور البته‌ بيزار

كيشي‌ ترك‌ ايله‌سه‌ اويله‌، بيه‌وار

ملايك‌لر هم‌ بولغوسي‌ بيزار



قضا قيلسا نمازي‌ ايكيندي‌، اي‌ دل‌

پيغامبرلر بولار بيزار هم‌، بيل‌

نمازي‌ شامني‌ ترك‌ اتسه‌ هر بار

كي‌ ايمان‌ بولار آندان‌ آزاري‌ بيزار



كيشي‌ قصدا قضا قيلسا آشادان‌

خدا بيزار ارر آنداغ‌ كيشيدن‌

كيشي‌ ترك‌ ايله‌سه‌ وترين‌ بيه‌وار

خدا و مصط‌في‌ بولغوسي‌ بيزار



تاقي‌ بيزار بولغاي‌ چاريار اول‌

خدا درگاهيندا يوقدور آنگا يول‌

زمين‌ و آسمان‌ آيدار: "خدايا

يتيرگيل‌ اوشبو ملعونني‌ الها



و يا دستور برگيل‌ كي‌، بيز يووتالي‌

آنينگ‌ جسميني‌ هم‌ نابود اده‌لي‌

كي‌ عرشي‌، كرسي‌ هم‌ بيزار بولغاي‌

خلايقنينگ‌ ايچينده‌ خوار بولغاي‌



جمي‌ ياغشي‌ مومن‌لر ييغلاغاي‌

يوزي‌ يوق‌ سوو، بي‌نمازي‌ شوم‌ گلگه‌ي‌

ييغيلسا بارچا مومن‌لر مسجدده‌

دورالماسين‌ بي‌نمازي‌ شوم‌ آندا



ثنايي‌ بي‌نمازي‌ آيتسا بولماس‌

سلاميغا جواب‌ هم‌ برسه‌ بولماس‌

حذر قيلماق‌ گرك‌ دير بي‌نمازدان‌

خط‌رلار كوپ‌ ارر اول‌ بي‌نمازدان‌



ياتار ير بي‌نمازدان‌ داد ايلار

جهنم‌ ناله‌ي‌ فرياد ايلار

ناسين‌ آيتاي‌، يارانلار، بي‌نمازني‌

آليپ‌ بولماس‌ اگر چي‌ برسه‌ قيزني‌



آلارغا قيز بريلمس‌ هم‌ آلينماس‌

اييه‌سي‌ هم‌ ط‌عام‌ آنگا بريلمس‌

كيشي‌ برسه‌ نماز اوقوغجيغا قيز

خدانينگ‌ رحمتي‌گه‌ بولسا فايز



وفا يوق‌، بي‌نمازلاردا، حيا يوق‌

سخا يوق‌، بي‌نمازلاردا صفا يوق‌

نمازي‌ يوق‌ كيشي‌نينگ‌ ديني‌ بولماس‌

آنينگ‌ سوزلري‌نينگ‌هيچ‌چيني‌بولماس‌



قاچينگلار بي‌نمازلار صحبتي‌دن‌

حذر ايلانگ‌ آلارنينگ‌ آفتي‌دان‌

عجايب‌ بي‌نمازلار شوم‌، مردار

جنازه‌ اوقومانگ‌ اولسه‌ بيه‌وار



باريبان‌ سورمانگيز بيمار بولسا

و يا اول‌ خسته‌ي‌ افكار بولسا

بولونگيز بي‌نمازلاردان‌ گريزان‌

آلارنينگ‌ قاشي‌دان‌ افشاني‌ خزان‌



الهي‌، بي‌نمازلاردان‌ پناه‌ بر

شريعت‌ يوللاريني‌ بيزگه‌ بيلدير

كمينه‌ مختوم‌ني‌ ايله‌گيل‌ شاد

ايكي‌ دنياده‌ قيلغيل‌ غمدان‌ آزاد



كي‌ آيغان‌ سوزلريدير شهد و شكر

قيامت‌ گونده‌، يا رب‌، قيلما مضط‌ر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی