اقبال‌بولمادي


كوپ‌ ييگيت‌لر گليپ‌ گچدي‌ جهاندان‌

نيتينه‌ گورا اقبال‌ بولمادي‌

گردشي‌ كج‌ فهبه‌ فلك‌ اليندن‌

ارتيري‌ شاد بولان‌ اويلان‌ گولمه‌دي‌

 

گونده‌ كفن‌ بيچر بو اجل‌ خياط‌

بير بلادير هيچ‌ قوتارماز بو صياد

پله‌ - پله‌ آشاق‌ دوشر آدمزاد

بو گون‌ گوردوگيميز ارتا قالمادي‌

 

بير دگيش‌ خانه‌ دير دنيانينگ‌ يوزي‌

نصيحتيم‌ اشيت‌ دينگله‌ بو سوزي‌

اجل‌ يتيپ‌ آدم‌ يومولسا گوزي‌

گويا بو ديناگه‌ گلدي‌ گلمه‌دي‌

 

همايون‌ قورغانين‌ سالديران‌ هارون‌

دنياني‌ دورت‌ بولن‌ هاني‌ فريدون‌

قيرق‌ شهري‌ قيزيلدان‌ غرق‌ ادن‌ قارون‌

گوزي‌ قومدان‌ دولدي‌ پولدان‌ دولمادي‌

 

مختومقلي‌ حيران‌ هر يانا باقار

بو نه‌ قدرت‌ ايشدير سوودان‌ اوت‌ چيقار

ياغشي‌ اوغولدان‌ رحمت‌ آريغي‌ آقار

لعنت‌كرده‌ اوغول‌ دوغدي‌ دوغمادي

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی