احسان‌قايسي‌بيلينمز


درديم‌ كوپدور، دياريمدان‌، دوريمدن‌

خير قايسي‌، احسان‌ قايسي‌ بيلينمز

ظ‌الملارينگ‌ جفاسيندان‌ جوريندن‌

اسلام‌ قايسي‌، ايمان‌ قايسي‌ بيلينمز

 

صحبتينده‌ حق‌ كلامين‌ سويلان‌ يوق‌

مجلسينده‌ بير نصيحت‌ ايلان‌ يوق‌

حلال‌ قايسي‌، حرام‌ قايسي‌، سايلان‌ يوق‌

سود قايسي‌ دير، زيان‌ قايسي‌ بيلينمز

 

خلايقده‌ گورلده‌ يوق‌، گوريم‌ يوق‌

بايلاريندا سخاوت‌ يوق‌، بريم‌ يوق‌

خاتين‌لاردا حيا، قيزدا شرم‌ يوق‌

ادب‌ قايسي‌، اركان‌ قايسي‌ بيلينمز

 

كيشي‌نينگ‌ مالينا گوزون‌ آلديرلار

تعصيب‌ اديپ‌ كونگله‌ كينه‌ دولديرلار

بير-بيريني‌ ناحق‌ يره‌ اولديرلر

نوربات‌ قايسي‌، امان‌ قايسي‌ بيلينمز

 

مختومقلي‌ جان‌ ميهماندير، گووره‌ لاش‌

ياغشا دوست‌ كوپ‌، يامان‌ بولسانگ‌، يوق‌ قارداش‌

بو ايامدا، باش‌ - آياقدير، آياق‌ - باش‌

ياغشي‌ قايسي‌، يامان‌ قايسي‌ بيلينمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی