اده‌جك‌سن


آدم‌ اوغلي‌، اوزون‌ بيلماي‌

گدم‌ - گدم‌ اده‌جك‌ سن‌

ايانينگ‌ امريني‌ قيلماي‌

اوز كونگلونگي‌ گويده‌جك‌سن‌

 

ايستار سن‌، عالم‌ني‌ قاپسانگ‌

قارون‌ بولوپ‌ گنجه‌ دپسنگ‌

حلال‌، حرام‌، هر نه‌ تاپسانگ‌

گوزونگ‌ يوموپ‌، يووداجاق‌ سن‌

 

نه‌دن‌ اولدونگ‌،بيلگيل‌ باري‌

اونوتدينگ‌ پروردگاري‌

كونگله‌ گلن‌ هر نه‌ كاري‌

سانغي‌ اتماي‌ اده‌جك‌ سن‌

 

اصلينگ‌ نه‌ دير، اتگيل‌ نظ‌ر

توتان‌ ايشينگدن‌ قيل‌ حذر

اجل‌ سانگا اتسه‌ گذر

خبرينگ‌ بر، ناده‌جك‌ سن‌

 

دنياني‌ قيزغين‌ توتماغيل‌

ايشينگ‌ گور، بيكار ياتماغيل‌

مختومقلي‌، اونوتماغيل‌

گيده‌جك‌ سن‌، گيده‌جك‌ سن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی