اونگي‌-آردي‌بيلينمز


يوموت‌، گوكلنگ‌ تعصيب‌ اديپ‌ اوزوندن‌

چكدي‌ قوشون‌، اونگي‌-آردي‌ بيلينمز

سيغماي‌ چيقدي‌ دشتي‌ دهان‌ دوزوندن‌

يوران‌ يولي‌، قونان‌ يوردي‌ بيلينمز

 

قارغا سالسا، توغون‌ بيله‌ دپيشر

هيبتيندان‌ داغلار - داشلار قاپيشار

اولي‌ توروپ‌، ديريلره‌ ياپيشار

آرسلاني‌، تيلكي‌سي‌، قوردي‌ بيلينمز

 

اوچ‌ مونگ‌ نيزه‌بازي‌ باردير نوكردن‌

دورت‌ مونگ‌ پيل‌داري‌ بار قالا ييقاردان‌

تكه‌، سالير يوريش‌ اتسه‌ يوقاردان‌

دشمانينگ‌نامردي‌، مردي‌ بيلينمز

 

اهلي‌ سني‌ ناميس‌ اديپ‌ گلرلر

قالا ييقيپ‌، باغين‌ برباد قيلارلار

دوو چكرلر، اصفهاني‌ آلارلار

بو كنتلرينگ‌ اوچي‌، دوردي‌ بيلينمز

 

مختومقلي‌، علي‌نينگدير بو ميدان‌

نه‌ ايش‌ توتار، گورونگ‌، بو عمر، عثمان‌

آط‌ دميندن‌ دولدي‌ زمين‌ و آسمان‌

خراسانينگ‌ خاكي‌ گردي‌ بيلينمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی