اوغلوم‌ - آزاديم‌


آزادي‌:

ـ فاش‌ ايله‌ سيرينگ‌ني‌، ساقلاما پنهان‌

اما كي‌، سوزومدن‌ چيقماغيل‌، اوغلوم‌!

گونده‌ يوز كوي‌ گلر - گچر بو باشا

آغيرتما، كونگلومي‌ ييقماغيل‌، اوغلوم‌!



مختومقلي‌:

ـ اوتانارديم‌، سيريم‌ فاش‌ ايله‌مزديم‌

 فاش‌ ادرين‌، خبر آلسانگ‌، آزاديم‌!

يوز كوي‌ گلر - گچر هر گون‌ بو باشا

ايستاري‌ بار، سفر قيلساق‌، آزاديم‌!



آزادي‌:

ـ جفا اورما اوزونگ‌، چاغير مولاني‌

 آرزولاما خاني‌، بگي‌، سلط‌اني‌

بسدير بيزه‌ اول‌ تانگري‌نينگ‌ بره‌ني‌

آزديرما كونگلونگ‌ني‌، گيتمه‌گيل‌، اوغلوم‌!



مختومقلي‌:

ـ گيدنميز يوق‌ آلتي‌ بيله‌، باش‌ بيله‌

سيران‌ اتسك‌ نيچه‌ دنگ‌ و دوش‌ بيله‌

مگر شوندا غمگين‌ كونگلوم‌ خوش‌ بولا

كونگول‌ قالقار، قرار اتمه‌، آزاديم‌!



آزادي‌:

ـ ورزشينگ‌ يوق‌، ياش‌ سن‌، گيده‌بيلمرسن‌

شووير بار، شاوخين‌ بار،جيدا بيلمر سن‌

هر ايشه‌ باش‌ قوشوپ‌، اده‌ بيلمر سن‌

 گيتمك‌ليك‌ ياغدايين‌ اتمه‌گيل‌، اوغلوم‌!



مختومقلي‌:

ـ كيشي‌ سوزله‌مه‌ين‌، سيري‌ فاش‌ اولماز

 ياغشي‌دان‌، ياماندان‌ آنگلان‌ ياش‌ اولماز

شو گز ايبرمه‌سنگ‌، كونگلوم‌ خوش‌ اولماز

 راييميز قايتارما، گويبر، آزاديم‌!



آزادي‌:

ـ بيزي‌ بيله‌ نيچيك‌ ترك‌ اده‌سينگ‌ بار؟

  بو يول‌ بيهوده‌دير، بير گيده‌سينگ‌ بار

گل‌، گيتمه‌گيل‌ اوغلوم‌ چوخ‌ ترخوسيم‌ بار

 قايغي‌، خرجاته‌ باتماغيل‌، اوغلوم‌!



مختومقلي‌:

ـ قلبيما گيريپدير اسلام‌ هوسي‌

تنگه‌لر، درهم‌ دير خلقينگ‌ ط‌اماسي‌

كونگلوم‌ني‌ رد اتمه‌، قيلما ترخوسي‌

 بير سفر ايشي‌ دير، گويبر، آزاديم‌!

 

آزادي‌:

ـ قرآن‌ اوقيپ‌ گزگيل‌، ياغشي‌ كلام‌ دير

بي‌رحم‌ اوغان‌ دير، ديني‌ اسلام‌ دير

قاراقچي‌ دير يوللار، خيزدير، حرام‌ دير

 اولرمينگ‌، قالارمينگ‌، گيتمه‌گيل‌، اوغلوم‌!

 

مختومقلي‌:

- سينايين‌، گوره‌يين‌، بو گون‌ اقباليم‌

 ياغشي‌ گون‌، خوش‌ صحت‌ گليپ‌مي‌ ساليم‌

قصد اديپ‌ جانيمغا، يتسه‌ آجاليم‌

 بو يرده‌ هم‌ بولسا، تاپار، آزاديم‌!



آزادي‌:

ـ بيلگشله‌يين‌ اوزونگ‌ نيرا آتار سن‌

نيچيك‌ ايشدير، موني‌ بيله‌ توتار سن‌؟

دييگيل‌ آخر، كيمينگ‌ بيله‌ گيدر سن‌؟

دم‌ تارتيپ‌، هر يانا باقماغيل‌، اوغلوم‌!



مختومقلي‌:

- جلوداري‌ بولام‌ يازير خان‌ پيرينگ‌

كونگول‌ قوشي‌ پرواز اورار فقيرينگ‌

بو گون‌ يدي‌ گوندير، "الحمد" اوقيرين‌

 شاد ايله‌ كونگلومي‌، گويبر، آزاديم‌!



آزادي‌:

ـ آزادي‌ ديير، بيله‌ صفا سوره‌لي‌

 ايسم‌ ايبره‌لي‌، سيناپ‌ گوره‌لي‌

"آمين‌!" ديي‌، تور، اوغلوم‌، پاتا بره‌لي‌

 بيرتانگري‌ياراولسون‌ سانگا، گيت‌،اوغلوم‌!



مختومقلي‌:

- مختومقلي‌آيدار: قالميشام‌ چوخدان‌

 كونگول‌ قوشي‌ تلواس‌ اورار ايراقدان‌

هر يرده‌ ساغليغيم‌ ايسته‌ اول‌ حقدان‌

  دعا قيليپ‌، حقا يالبار، آزاديم‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی