اوزونگدن‌


محنت‌ بيلن‌ مال‌ جمع‌ ادن‌ محكم‌ باي‌

اول‌ خيرينگ‌ بولسا، گوندر اوزونگدن‌

ييغيپ‌، زكات‌ برمان‌لرينگ‌ حالي‌ واي‌

تانگلا قارني‌ دولار تاموغ‌ كوزوندن‌

 

ناميد قالدينگ‌، گر شيط‌انه‌ يول‌ برسنگ‌

شيط‌ان‌ بوينون‌ اوزدونگ‌ پيره‌قول‌برسنگ‌

اخلاص‌ بيلن‌ الله‌ اوچين‌ مال‌ برسنگ‌

سانسيز ثواب‌ بولوپ‌ بارار ايزينگدان‌

 

اولادينا آبيراي‌لي‌ گون‌ اوچين‌

ييگيت‌ عشرت‌ تركين‌ ايلار تن‌ اوچين‌

حلال‌ - حرام‌ مال‌ ييغارلار زن‌ اوچين‌

اولسنگ‌، قاني‌ امداد اوغول‌ - قيزينگدان‌

 

نيچه‌لر بار - خير ايسلار، شر تاپار

نيچه‌لر بار - قوم‌ دييپ‌ قاربار، زر تاپار

بيره‌و باردير - يامان‌ ايلار، ير تاپار

بيره‌و  - خيز گورمز برن‌ دوزوندان‌

 

ييگيت‌ اولسه‌، خاتين‌ قالسا، ار تاپدي‌

اوغول‌-قيز الينده‌ مالينگ‌ ير تاپدي‌

زكات‌سيز مال‌ محشر گوني‌ مار تاپدي‌

ييراق‌ دوشدونگ‌ يارادانينگ‌ گوزوندن‌

 

ديري‌ليكده‌ اوزي‌ برسه‌ اليندن‌

خبر توتان‌ يارادانينگ‌ يولوندان‌

خير تاپار مال‌ بيير اكن‌ ماليندان‌

اول‌ هم‌ ياغشي‌ ياد اتسه‌لر ايزيندان‌

 

ييغنادينگ‌، ييغشيردينگ‌، مال‌وپول‌ بولدي‌

خيرين‌ گورمان‌ اولدونگ‌، اوچ‌ زن‌ دول‌ بولدي‌

ييغنان‌ ييغينچاغينگ‌ باري‌ كول‌ بولدي‌

"گورومسيز، قيسيق‌" آد قالدي‌اوزونگدن‌

 

ساغليغينگدا ال‌ بارماسا، برماگه‌

قييماسالار قالانلار قول‌ گرماگه‌

مختومقلي‌ آيدار، عذاب‌ گورماگه‌

قيامت‌ قاراسي‌ گيتمز گوزونگدن

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی