ايلدن‌اويالماق‌


عاشق‌ ازل‌ من‌ سونام‌ من‌ سانگا

نه‌ ادب‌ اركان‌ بار، نه‌ ايلدن‌ اويالماق‌

التفات‌ اتمه‌دينگ‌ هرگيز سن‌ مانگا

ايله‌مز بو ايشي‌ بير قارا قالپاق‌

 

منينگ‌ دي‌ عشقينگدا چوخلار سن‌ يارينگ‌

گونديز گرفتارينگ‌، گيجه‌لر زارينگ‌

عمريم‌ پايمالينگ‌ دير جانيم‌ نثارينگ‌

بولسايدي‌ وصالينگا بير چاره‌ قيلماق‌

 

اگر كه‌ هيچ‌ ايسم‌، سانگا گلر من‌

خشك‌ استخوان‌ ايسم‌، قانا گلر من‌

مرده‌ي‌ صد سال‌ ايسم‌، جانا گلر من‌

بولسايدي‌ بزم‌ ايچره‌ بير يادا سالماق‌

 

آهيم‌ شراريندان‌ اوين‌ ساليپ‌ اوتلار

بارديلار درگاهه‌ ايله‌ييپ‌ دادلار

اريدي‌ آب‌ اولدي‌ جمله‌ جمادلار

اونگدن‌ سونگا بارمي‌ هيچ‌ بيله‌ بولماق‌

 

بنداگم‌، گر دييسنگ‌: نان‌ برن‌ آلسا

مدام‌ محتاجينگ‌ من‌، كان‌ برن‌ آلسا

گر ذوق‌ وصالينگ‌ جان‌ برن‌ آلسا

ياراشار فراغا جان‌ بريپ‌ آلماق‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی