ايش‌بولماز


گل‌ كونگلوم‌ صدق‌ ايله‌ يالبار الله‌غا

ياراداندان‌ هيچ‌ ياشيران‌ ايش‌ بولماز

رزق‌ بير مقداردير شاه‌ و گداغا

قلم‌ بيردير موندا يازان‌ پيش‌ بولماز

 

بير نيچه‌لر يورتار گيجه‌ ياتمايان‌

بيري‌ اويده‌ ياتار جفا تارتمايان‌

تقديري‌ ازل‌ده‌ هرگز آرتمايان‌

گزن‌ آرتيق‌ بولوپ‌ ياتان‌ آچ‌ بولماز

 

بير قوچ‌ ييگيت‌ يالان‌ دنياگه‌ گلسه‌

قالقان‌، قيليچ‌، چورك‌ دسترخان‌ بولسا

يالانچيدا آبراي‌ ايماني‌ بولسا

يتميش‌ سگسن‌ يوزدن‌ آرتيق‌ ياش‌ بولماز

 

كيمسه‌لر دولتمند، كيمسه‌لر غريب‌

كيمسه‌لر خير اديپ‌، زكاتين‌ بريپ‌

كيمسه‌لر عمرينده‌، نان‌ دييپ‌ يوروپ‌

كيمسه‌لرده‌ دوشك‌-ياسديق‌، آش‌ بولماز

 

مختومقلي‌، بو گونونگه‌ شكر ايله‌

الله‌نينگ‌ قدرتين‌، گوروپ‌ فكر ايله‌

رزق‌ اوچين‌ غم‌ اييمه‌، حقه‌ ذكر ايله‌

ازلده‌ يازيلان‌، سندن‌ داش‌ بولماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی