ايچن‌يالي‌دير


يامان‌ ياغشا يولداش‌ بولسا

 آوي‌ليق‌ ايچن‌ يالي‌دير

آيريلا بيلسه‌، آوي‌سي‌

 ايچيندن‌ اوچن‌ يالي‌دير

 

آدم‌ وهم‌ اتمز ريشيندن‌

قورقار ياتاندا دويشوندن‌

ايامه‌ باقسام‌، ايشيندن‌

بو كونگلوم‌ گچن‌ ياليدير

 

بداصل‌ اقبالي‌ يورمك‌

اوي‌سيز الينه‌ مال‌ گيرمك‌

آقماغا سيرينگ‌ني‌ برمك‌ 

اوز عيبينگ‌ آچان‌ يالي‌دير

 

اوتدي‌ عمرينگ‌، دنيا سيلينگ‌

حق‌ يولونا باغلا بيلينگ‌

آغزي‌ آلا بولان‌ ايلينگ‌

دولتي‌ قاچان‌ يالي‌دير

 

يتيپ‌-آنگيپ‌ گووره‌ده‌ گيزلان‌

عاقل‌دير-ايش‌ سونگون‌ گوزلان‌

گپين‌ تاپيپ‌، ياغشي‌ سوزلان‌

مثلي‌ دور ساچان‌ يالي‌دير

 

اردن‌ گيتسه‌ اعتبارلار

ساوار اوندان‌ دوست‌و يارلار

هونارلي‌، اقباللي‌ ارلر

مال‌ و پول‌ اووجان‌ يالي‌دير

 

مختومقلي‌، علت‌لي‌ گوز

خرابه‌ دونر دگسه‌ دوز

معركه‌ده‌ بير جاي‌سيز سوز

چرمه‌نيپ‌ سيچان‌ يالي‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی