اي‌پري‌


مسكني‌ مكه‌ مدينه‌، سكيز اوچماخ‌ لاله‌سي‌

هر سوزونگ‌ ايزيندا يوزمونگ‌ قمري‌، بلبل‌ نالاسي‌

شام‌ چراغدير عالمه‌، اول‌ گول‌ يوزي‌نينگ‌ شعله‌سي‌

قدي‌ قامتي‌ بلند، اي‌ نوري‌ حقنينگ‌ واله‌سي‌

سير ادن‌ دوقوز فلك‌ آسماني‌ سن‌ سن‌، اي‌ پري‌

 

مكه‌دن‌ كشت‌ ايله‌دينگ‌ شهري‌ ولايت‌ كانه‌ سن‌

رف‌-رفيل‌ كوفه‌، تاري‌، بصره‌، حلب‌، شيروانا سن‌

هم‌ مصر هم‌ قيصر و شيراز ايله‌ اصفهانا سن‌

خيبر و هرات‌ ايله‌ لكاهري‌، سكوانا سن‌

راه‌بين‌، بو عالمينگ‌ سلط‌اني‌ سن‌ سن‌، اي‌ پري‌

 

معجز ايله‌ صالحينگ‌ داشدان‌ چيقيپدير مايه‌سي‌

نوح‌ ط‌وفانيندا يالنگيز قالدي‌ نوحينگ‌ دايه‌سي‌

يا محمد، احمديم‌، يا دين‌ اسلام‌ پايه‌سي‌

گلديلر اقرار اديپ‌ اول‌ شيري‌ دلدل‌ ايه‌سي‌

بخش‌ ادن‌ دلدل‌ بيله‌ قمقامي‌ سن‌ سن‌، اي‌ پري‌

 

شهر فرخار، قارص‌ و تفليس‌، روم‌، بغداد، سفليان‌

يزد، كرمان‌، شام‌ و موصل‌ باشدا بولاردي‌ باغيان‌

قايراسي‌ خرم‌، خيتاي‌، قيپجاق‌، فرنگي‌، جاميان‌

شرق‌، غرب‌، هند و سند، دكن‌ و دور جهان‌

دورت‌ ط‌ريق‌نينگ‌ جمع‌ اولان‌ عماني‌ سن‌ سن‌، اي‌ پري‌

 

يوقارسي‌ شهر زنان‌ قاتناق‌ سارايدير اول‌ بلي‌

بيريسي‌ هزاراسپ‌ و هم‌ ينه‌ خانقاه‌ بيلي‌

آندان‌ اوتوپ‌ هم‌ ينه‌ اورگنچ‌ اول‌ گورلن‌ ايلي‌

آيدييار مختومقلي‌، سن‌ سن‌ جهانينگ‌ جان‌ گلي‌

دينه‌ سالغان‌ فارس‌ ايله‌ ايراني‌ سن‌ سن‌، اي‌ پري‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی