ايامي‌گوردوم‌


شكر حقه‌ بيزم‌ بو يولا دوشدوك‌

گچيرديم‌، بير نيچه‌ ايامي‌ گوردوم‌

معرفتنينگ‌ درياسينا اولاشديق‌

عارفلار سوررلر، يوز گامي‌ گوردوم‌

 

خضر سيران‌ ادر قدرت‌ عالمين‌

موسي‌ اوقير حقيقتينگ‌ كلامين‌

يدي‌ گون‌ آلماميش‌ تانگري‌ سلامين‌

قط‌ب‌ الاقط‌اب‌ آتلي‌ بدنامي‌ گوردوم‌

 

تازه‌ تابان‌ اولان‌ عمريم‌ چراغي‌

قيش‌ خزاني‌ دگسه‌، گوگرمز باغي‌

گوز آيلاپ‌ قارشيدا بير نيچه‌ ساقي‌

 هر بيري‌ اوينادار يوز جامي‌ گوردوم‌

 

ييغلاديم‌، ييقيلديم‌، توتدوم‌ اليني‌

دورت‌ پيشواسي‌ بيلن‌ حضرت‌ عليني‌

سانجار خان‌، سليم‌ خان‌، يدي‌ وليني‌

بيري‌ زهرا، اون‌ ايكي‌ امامي‌ گوردوم‌

 

سليماني‌ گوردوم‌، ياتير ايوانده‌

بير نيچه‌ غايب‌لار جمع‌ اولموش‌ آنده‌

قلزم‌ درياسيندا، دويپ‌سيز عمانده‌

علي‌ خاتم‌ سالان‌ لجامي‌ گوردوم‌

 

قارون‌ بو دنياني‌ آلدي‌ مال‌ بيلن‌

ابليس‌ عاصي‌ بولدي‌، گلمز يول‌ بيلن‌

سمنگان‌ شهرينده‌ باتير زال‌ بيلن‌

دوو بيلن‌ جنگ‌ سالان‌ رستمي‌ گوردوم‌

 

مختومقلي‌، فرمان‌ بولدي‌ الله‌دان‌

يره‌ اينيپ‌ گلدي‌ عرش‌ اعلادان‌

جبراييل‌ گتيرميش‌ اولوغ‌ درگاه‌دان‌

محمده‌ اينن‌ كلامي‌ گوردوم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی