اللهیم، یارسول


حق سنی سرور یاراتدی، پادشاهیم یارسول

انبیا سر دفتری، نوری اللهیم یارسول

ظلمتی توُتدی جهانی دودِ آهیم یا رسول

باش قوْیوپ یاتسام قاپینگدا، قبله گاهیم یارسول



سن گچیر گیل نالا وفریاد و آهیم، یا رسول

بارچادان اعلا یاراتدی اصل نورِ پاک نی

قدَیغا قیلدی مناسب خلعتِ لولاک نی

اول مبارک قوللاریندا هم عصا و مسواک نی



امتیم دییگه ی سن عامی، عاصی و بی باک نی

سن گچیرگیل نالا و فریاد وآهیم، یا رسول

دییرلر: ((سلطانِ عالم)) آدینگدا اصدق بیله

معجزینگ نی بیری سی گؤرستگه لی اول شق بیله



عرش اوستونه چیقیپ راز آیدیشار سن حق بیله

آی، بولوتدان کیم اشارت ایله دینگ بارماق بیله

گنبدِ هفت رنگه چیقمیشلار گناهیم یا رسول

والضحی دیر یوزلرینگ هر بِرِکهْ ماه و لیل



سورهْ اقرا سانگا مژده گتیردی جبرائیل

اول خدیجه تاپمایین ایمانا گتیردی میل

فخر عالم سن سن ونبی لر بیر ذیل

ختم ادیپ ارواحینگا قیلدیم دعایم، یا رسول



یارسول الله! دیییپ، آندان گیدر بوْلدی براغ

لیله المراج گیجه سی تانگری یتیردی قیراغ

یدی آسمان ایشیگنی آچدی ملایک بی سوْراغ

دؤرت دون گلدی سانگا یاشیل، قیزیل هم ساری، آق



بیریسین سؤیوپ آلدینگ، شول بوْلدی رازینگ، یارسول

یاد ادر مختومقلی دوراندا من غلاج نی

شفقتینگدان نا اومید اتمه منی محتاج نی

خدمتینگدا سیر ادرلر لیله المعراج نی

اول خدا سؤیِن اوچین قویدی باشینگا تاج نی

ختم ادیپ ارواحینگا قیلدیم دعایم، یا رسول

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی