اوستادابللي


اي‌ آقالار، بير گون‌ بولار، پاي‌ آلار

قوللوق‌ اديپ‌ گزن‌ اوستادا بللي‌

خداي‌ اوزي‌ كيمي‌ دوغري‌ گوزله‌سه‌

يتيشر مرادا، مقصدا بللي‌
 

كوثر ساقي‌سيندان‌ شربت‌ ايچر سن‌

دولانا دولانا، پري‌ قوچار سن‌

اول‌ ايواني‌ گورسنگ‌ موندان‌ گچر سن‌

انجيل‌ده‌، زبورده‌* تورات‌دا بللي‌

 
جوشار سن‌، هر سوزي‌ پيدا ادر سن‌

جان‌ بلبل‌ني‌ سايراپ‌ شيدا ادر سن‌

فلك‌ بير بقال‌دير سودا ادر سن‌

اول‌ - آخر اوتار سودادا بللي‌

 
مست‌ اولار سن‌، جاهل‌ليقدا جوشار سن‌

بيلمزسن‌، هر ايشه‌ باشينگ‌ قوشار سن‌

بير گون‌ بولار بير ظ‌لمته‌ دوشر سن‌

باشينگ‌ بيلمز، گچر غوغادا بللي‌
 

حرام‌ اوروپ‌، قانلار دوكدونگ‌ الليك‌ده‌

گل‌ نه‌ ايش‌ بيتيردينگ‌ سگسن‌ ييلليقدا

قايديپ‌ يامان‌ يولدان‌، گزگين‌ قوللوقدا

جنت‌ ديييپ‌ يورگيل‌ ط‌مادا بللي‌
 

اجل‌ ــ دريا بويلار، باشينگدان‌ آشار

سريشدانگ‌ كم‌ بولار، عقلينگ‌ چاشار

قيرق‌ گون‌ اوزال‌دان‌ ياپراغينگ‌ دوشر

"اولدي‌" دييپ‌ آد بييرلر سمادا، بللي‌
 

كراما الكاتبين‌ ساغ‌ و سولونگا

يازيپ‌، نامانگ‌ تابشير محشر قولونگا

چرخي‌ فلك‌ دوزاق‌ قورموش‌ يولونگا

سن‌ اوچين‌ اوتورميش‌ صيادا بللي‌
 

كيمسه‌دن‌ آلار سن‌، كيمينه‌ بيير سن‌

حلال‌ فرق‌ اتمه‌يين‌، حرامي‌ ايير سن‌

بير شايي‌دان‌ اوتري‌ سوابينگ‌ بيير سن‌

دوشر سن‌ آندان‌ سونگ‌ ظ‌لماتا بللي‌
 

چاراينا باغلاييپ‌، گيگن‌ ساويت‌لار

ير قوينونا گيردي‌ مونوپ‌ تابيت‌لار

مختومقلي‌ آيدار، دنگ‌ - دوش‌ ييگيت‌لر

قارداشلار، ياد ادينگ‌ دعادا بللي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی