ایکی دنیانینگ سلطانی


ای یارانلار، مسلمان لار

ایکی دنیانینگ سُلطانی

روزِ ازلده یاراتدی

رسول جسدینده جانی



یرده موسی نینگ طوریندان

گؤکده بهشتینگ حوریندان

یاراتدی رسول نوریندان

آی، گونی، یری، آسمانی



آرزو ایلأپ گُل رخسارین

گزدیم داغیندا ابرارینگ

سوْراغینی سالیپ یارینگ

کِشت اتدی کؤنگلوم دنیانی



عقلیم حیران بوْلوُپ چاشدیم

آخر بیر أره ساتاشدیم

آلتمیش آلتی داغدان آشدیم

گچدیم اوْن ایکی دریانی



مختومقلی، بی قرار سن

بونه اؤتدور، سن یانار سن

بارچا زاتدان به کنار سن

بیلمز سن سوُد و زیانی

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی