اوچي‌اولاددان‌


نه‌ اون‌ باش‌ عيالدير، آرتماز فرزندي‌

اول‌ اون‌ باش‌ عيالينگ‌ اوچي‌ اولاددان‌

اوچي‌ اكيز، اون‌ دورت‌ ارر پيوندي‌

اول‌ نه‌ جماع‌ ايلار، نه‌ چيقار ياددان‌

 

اول‌ نه‌ خلق‌دير، گوك‌- فلكه‌ قونارلار

گاهي‌ اينيپ‌، ير يوزونده‌ دينارلار؟

اول‌ نه‌ آدمزاددير، بير آط‌ مونرلر

اوزنگي‌سي‌ سوودان‌، جيلاوي‌ باددان‌

 

مدام‌ سيره‌ گزر اول‌ دورت‌ دنگي‌ - دوش‌

بولار آندان‌ جمله‌ عالم‌ يوزي‌ خوش‌

اول‌ توردونگ‌ بيري‌ بار، مدام‌ سبزه‌ پوش‌

كله‌سي‌ بوزدان‌ دير، آياغي‌ اوتدان‌

 

اول‌ كيمدير، يالانگاچ‌ غريب‌ اوتورميش‌

آوازسيز عالمه‌ سوزون‌ يتيرميش‌

آغزين‌ آچيپ‌، اوزون‌ ياسا باتيرميش‌

سوراسانگ‌ خبر بيير سانگا بار زاتدان‌

 

مختومقلي‌، سالما اولكا آوازه‌

بولار گورنوپ‌ دوران‌ زاتدير بو گوزه‌

عاقل‌ ارينگ‌ فهمي‌ يتر بو سوزه‌

حاجت‌ ارمس‌ خبر آلماق‌ اوستاددان‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی