اوچدوم‌يارانلار


بير جمعه‌ گيجه‌سي‌ گوردوم‌ دويشومده‌

بال‌ اوروب‌، گوك‌لره‌ اوچدوم‌ يارانلار

پرواز ايلاپ‌، سيران‌ اتديم‌ دنياني‌

بير آبادان‌ جايا دوشدوم‌، يارانلار

 

كهكشانا چيقيپ‌ دورلي‌ ثمرلر

مونگ‌ دورلي‌ ميوه‌لر، خرم‌ شجرلر

نارينجي‌، تورونجي‌، ليمون‌، آلمالار

بير آبادان‌ باغا دوشدوم‌ يارانلار

 

آچيلميش‌ دير آندا رنگ‌ به‌ رنگ‌ گل‌لر

شورش‌ و افغاندا شيدا بلبل‌لر

مرمردن‌ حوض‌لي‌، كوثر دك‌ سوولار

تحير ايله‌ييپ‌، چاشديم‌ يارانلار

 

اول‌ قارا باغليقدا گوردوم‌ بير چمن‌

عجايب‌ مجلسين‌ گوردوم‌ انجمن‌

دووره‌ گيريب‌،گوردوم‌، اوتورميش‌چهلتن‌

سلام‌ بريب‌، قولون‌ قوچدوم‌ يارانلار

 

همه‌ آواز ايلاپ‌، "عليك‌!" آيديلار

اشارت‌ ايله‌يب‌: "اوتگيل‌" دييدي‌لر

دووره‌ قوراب‌، جاما شراب‌ قويدي‌لار

مانگا يتگچ‌، قولوم‌ آچديم‌، يارانلار

 

بيلمه‌ديم‌، كوپ‌ مي‌ يا مانگا آز بردي‌

اوزگه‌ عالم‌، باشغا بير آواز بردي‌

عشق‌ آلدي‌ كونگلومي‌، تيله‌ سوز بردي‌

آياقدان‌ - آياغا دوشدوم‌، يارانلار

 

مختومقلي‌، هوشيار اولدوم‌، اويانديم‌

اويانديم‌، اورتنديم‌، توتاشديم‌، يانديم‌

معني‌ بازاريندا خياط‌ه‌ دوندوم‌

شيرين‌ غزل‌ دونون‌ بيچديم‌، يارانلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی