دولوپ‌اوتدي



دنيا ياسسانيپ‌ باشيما، سايا ساليپ‌ اوتدي‌
سوز نوباتيندا كاسه‌ي‌ دوران‌ دولوپ‌ اوتدي‌
تا مغرب‌ مشرق‌ اول‌ بتماما آليپ‌ اوتدي‌
بير نغمه‌كاري‌ نيچه‌ نوالار چاليپ‌ اوتدي‌
مجنوني‌ گورونگ‌، چاك‌ گريبان‌ بولوپ‌ اوتدي‌
ليلي‌ني‌ گورونگ‌، غنچه‌يي‌ خندان‌ بولوپ‌ اوتدي‌
 
بير نيچه‌لرينگ‌ آشيغه‌، گر، آوي‌ قاتيلدي‌
تقدير ازل‌ كاتبه‌ نه‌دن‌ بيله‌ چاتيلدي‌
منصور: "انا الحق‌!" ديييپ‌، گور اول‌ دارغا آسيلدي‌
مغرب‌ شاهي‌نينگ‌ قيزي‌ بو كنعانغه‌ چاتيلدي‌
يوسف‌ني‌ قول‌ دييدي‌لر، گورونگ‌، قاندا ساتيلدي‌
آخردا گورونگ‌، مصرده‌ سلط‌ان‌ بولوپ‌ اوتدي‌
 
دنيايي‌ فلاكت‌ اليدن‌ داد ايله‌ فرياد
سن‌ تويس‌ كه‌ آلداغوجي‌ جلوه‌گري‌، پريزاد
فرعون‌ و يزيد اوتدي‌، سوروپ‌، نمرود و شداد
خسرو اوقيدي‌ نيچه‌ غزل‌، بيرنيچه‌ ابيات‌
شيريني‌ ـ ديييدي‌، چكدي‌ جفا عاشقي‌ فرهاد
داغلار يوزوني‌ لاله‌ و ريحان‌ قيليپ‌ اوتدي‌
 
من‌ غمزدانينگ‌ گوك‌گه‌ چيقيپ‌ دود ايله‌ آهي‌
يوز جبر و جفا قيلدي‌ منينگ‌ رنگيم‌ گاهي‌
بير نغمه‌كاري‌ و جان‌ كشور بوزدي‌ سپاهي‌
شرعينه‌ قلم‌ يازدي‌ مرتب‌ كه‌ سياهي‌
زيبا بوييغه‌ گيگوزيبان‌ خلعت‌ شاهي‌
بعضي‌ني‌ گورونگ‌، بي‌سروسامان‌ بولوپ‌ اوتدي‌
 
حيف‌ اوتدي‌ عمر، بچه‌ليگيم‌ ـ فصل‌ گلستان‌
هاي‌ هاي‌، بو نه‌ ط‌اقت‌دي‌ و ط‌وط‌ي‌ شكرستان‌
نوشيروان‌ عادل‌، حاتم‌ ط‌اي‌، رستم‌ دستان‌
اول‌ پري‌لر مسكني‌دير بو شهر شبستان‌
قارريليق‌نينگ‌ آفتي‌دير بو قهر زمستان‌
هر كيمسه‌ بير ايش‌ ايله‌ پشيمان‌ بولوپ‌ اوتدي‌
 
مختومقلي‌، دوست‌ توتما كه‌، سن‌ دنياني‌، يالغان‌
حالا گوله‌ سن‌، تانگلا قيلا سن‌ نيچه‌ پشمان‌
آلدينگا خواط‌يري‌ صراط‌ كوپروگي‌، ميزان‌
سن‌ اتمه‌ جهان‌ نفسينه‌ گر عقلينگي‌ حيران‌
آخردا اجل‌ قويمادي‌، كوپ‌ ياشادي‌ لقمان‌
كوپ‌ بنده‌لرينگ‌ ملكيني‌ ويران‌ قيليپ‌ اوتدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی