دولتي‌مالي‌بولماسا



قوچ‌ ييگيدينگ‌ آدي‌ چيقماز 
دولتي‌ مالي‌ بولماسا
انديشه‌لي‌ ايش‌ بيتيرمــز 
ميداندا دالي‌ بولماسا
 
بولماسا ييگيدينگ‌ ذريادي‌ 
اولنده‌ توتولماز آدي‌
توتاشماز سينانينگ‌ اودي‌
 باشدا خيالي‌ بولماسا
 
آلماز قوشلار آوا چاپمـــــاز
هونارسيز اوز سيرتين‌ ياپماز
معركه‌ده‌ اورون‌ تاپمـــــــــاز 
 عقلي‌ - كمالي‌ بولماسا
 
قونماق‌ تازه‌ يوردا ياغشي‌ 
هالي‌ دوشك‌ تورده‌ ياغشي‌
اول‌ ييگيت‌لر گورده‌ ياغشي‌
باشي‌ غوغالي‌ بولماسا
 
مختومقلي‌، بولسا باشلي‌ 
اويالماز قيليچ‌لي‌، آشلي‌
دوزي‌ زور،دوشماني‌ گويچلي
‌دوســـــــــتي‌ وفالي‌ بولماسا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی