دولت‌علي‌نينگ‌



سني‌يه‌ ستوندير، كفرگه‌ سددير
چالسا تيغي‌-تيزي‌ دولت‌ علي‌نينگ‌
عالمده‌ دستاندير، ايللرده‌ خط‌ دير
صحبت‌ ايچره‌ سوزي‌ دولت‌ علي‌نينگ‌
 
سوزلري‌ پند بولوپ‌ قالدي‌ تيللرده‌
فقيرلار پناهي‌ يامان‌ گونلرده‌
ايراق‌ اولكه‌لرده‌، ياقين‌ ايللرده‌
دوست‌،دوشماني‌ راضي‌دولت‌علي‌نينگ‌
 
چوخ‌ جهان‌ سير اتدي‌ عمري‌ بولينچا
يارادان‌ يوق‌ اديپ‌، يره‌ سالينچا
يالانچيدا يايلاپ‌، تا كه‌ اولينچا
ساويلمادي‌ يازي‌ دولت‌ علي‌نينگ‌
 
خوار گچمز هر كيمني‌، ميدام‌ ايسته‌سه‌
تقديردان‌ داش‌ چيقماز، گنگش‌ تاسلاسا
بورگوت‌ دي‌ آلاردي‌، لاچين‌ بسله‌سه‌
شير آلاردي‌ بازي‌ دولت‌ علي‌نينگ‌
 
آغير اوروغلي‌دير، هم‌ بييك‌ ايللي‌
كوپ‌ ييغيلسا مشهور، عالمه‌ بللي‌
ميداندا ـ قليچ‌لي‌، ديواندا ـ ديل‌لي‌
يوزه‌ تايدير اوزي‌ دولت‌ علي‌نينگ‌
 
ديلگ‌ اتسه‌، دونگ‌ داشلاري‌ اريدر
غضب‌ اتسه‌، حكمي‌ داغلار يوريدر
گونشدن‌ گوهردير، آي‌دان‌ دوري‌دير
فلكده‌ ييلديزي‌ دولت‌ علي‌نينگ‌
 
سانسيز ايله‌ سركرده‌دير، سلط‌اندير
جنگ‌ يرينده‌ جلا د، بلكي‌، آرسلاندير
منزلي‌ مسجددير، فرشي‌ ديواندير
گيجه‌سي‌، گونديزي‌ دولت‌ علي‌نينگ‌
 
تمناسي‌ يردن‌ آسمانا دنگ‌ دير
بيشه‌ده‌ ببر، داغدا پلنگ‌ دير
گاميگه‌ لابيرلابير،  دير، دريا نهنگ‌ دير
هر يان‌ بارسا اوزي‌ دولت‌ علي‌نينگ‌
 
ناچارلارينگ‌ انگرشرلر ساغ‌ سولدا
هيچ‌ بيري‌ بولمادي‌ دردينگه‌ دالدا
بدو باغدا قالدي‌، يولداشي‌ يولدا
دييينمز خبري‌ دولت‌ علي‌نينگ‌
 
مختومقلي‌، گچدي‌ دنياده‌ دنگسيز
توره‌ليكده‌ تايسيز، ارليكده‌ انگسيز
پيغمبر پي‌سيزدير، سليمان‌ سونگ‌سيز
شونگا  منگزار ايزي‌ دولت‌ علي‌نينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی