دوشن‌گون‌لريم‌



دوقوز آي‌ ياتميشام‌ انم‌ قارنيندا
گوز آچيپ‌ دنيگه‌ دوشن‌ گون‌لريم‌
دورت‌ آياغا گزديم‌ انم‌ الينده‌
سكيز آيدا هم‌ گولوشن‌ گون‌لريم‌
 
بيريمده‌ بيلمه‌ديم‌ ياغشي‌-ياماني‌
ايكيمده‌ تانيديم‌ آتا-اناني‌
اوچ‌ ياشيمدا تانگري‌ بردي‌ زباني‌
دورت‌ ياشيمدا داش‌ آتيشان‌ گون‌لريم‌
 
باشيمي‌ اوتورديم‌ بهار-ياز بيلن‌
آلتي‌ ياشدا قاوالاشديم‌ باز بيلن‌
يدي‌ ياشدا ايشيم‌ بولماز قيز بيلن‌
سكيزيمده‌ ديشيم‌ دوشن‌ گون‌لريم‌
 
دوقوزيمدا برديم‌ تانگري‌ سلامي‌
اونومدا بوينومدا حقينگ‌ كلامي‌
اون‌ بيريمده‌ توتدوم‌ دوات‌ قلمي‌
اوقيپ‌ اوقيپ‌ معني‌ ساچان‌ گون‌لريم‌
 
اون‌ ايكيمده‌ گيتديم‌ اون‌ اوچ‌ ياشيما
اون‌ دوردومده‌ اثر اوردي‌ باشيما
اون‌ باشيمده‌ قيزلار گيردي‌ دويشومه‌
اون‌ آلتيمدا قايناپ‌ جوشان‌ گون‌لريم‌
 
ييگريميمده‌ مستان‌ - مستان‌ گزرديم‌
ييگريم‌ باشده‌ غنيم‌ اوقون‌ دوزرديم‌
اوتوزيمدا آط‌لار مينيپ‌ اوزارديم‌
اوتوز باشده‌ ترش‌ سووه‌شن‌ گون‌لريم‌
 
قيرقيمدا قويوليپ‌ كاسام‌ دولموشام‌
الليمده‌ اليمگه‌ تسبيح‌ آلميشام‌
آلتميشيمدا پيره‌ مريد بولموشام‌
پيغمبر ياشيني‌ ياشان‌ گون‌لريم‌
 
يتميشده‌ آغير ايندي‌ ديزيما
سگسنيمده‌ غبار ايندي‌ گوزومه‌
توغسانيمدا هوش‌ قالمادي‌ اوزومه‌
عقل‌ هوشدان‌ جدا دوشن‌ گون‌لريم‌
 
يوز ياشا يتيرمان‌ آلارلار جانينگ‌
اوزلتيپ‌ قويارلار بيچرلر دونونگ‌
مختومقلي‌ همراه‌ بولسون‌ ايمانينگ‌
جان‌ جسددن‌ آيرا دوشن‌ گون‌لريم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی