دوستلارهي



يارانلار خدانينگ‌ حمدين‌ آيدايين‌
اول‌ بيزه‌ كوپ‌ نعمت‌ بردي‌، دوستلار هي‌
ير و آسمان‌، بهشت‌، دوزخ‌ يوق‌ اردي‌
جمله‌سيني‌ اول‌ بار قيلدي‌، دوستلار هي‌
 
آدم‌ مخلوقاتنينگ‌ ياغشي‌سي‌ بولدي‌
الله‌ درجه‌سين‌ كوپ‌ بلند قيلدي‌
پيغامبر ياراديپ‌، كتاب‌ ايبردي‌
آدما كوپ‌ حرمت‌ قيلدي‌، دوستلار هي‌
 
اول‌ بيزه‌ تن‌ ياراتدي‌، جان‌ بردي‌
عقل‌ بردي‌، گوز قاش‌ بيلن‌ جان‌ بردي‌
حيوانا اوت‌ بريپ‌، بيزه‌ نان‌ بردي‌
كوپ‌ درجه‌ عط‌ا قيلدي‌، دوستلار هي‌
 
گوزني‌ بردي‌ بو جهاني‌ گورسون‌ دييپ‌
آياق‌ بردي‌ ياغشي‌ يولا يورسون‌ دييپ‌
نعمت‌ بردي‌ شكرين‌ برجاي‌ قيلسين‌ دييپ‌
غرض‌، بيزه‌ حرمت‌ قيلدي‌، دوستلار هي‌
 
جمله‌ پيغامبرينگ‌ آدم‌ اولي‌
محمددير باريسيندان‌ افضلي‌
ابوبكر، عمر، عثمان‌ و علي‌
اونونگ‌ چارياري‌ بولدي‌، دوستلار هي‌
 
اول‌ ار پادشاه‌ بولوپ‌ آلدي‌ جهاني‌
هر كيم‌ منكر بولسا يوقدور ايماني‌
اونونگ‌ پيغامبرليك‌ سورن‌ زماني‌
كوپ‌ عجايب‌ ايشلر بولدي‌، دوستلار هي‌
 
بير گون‌ پيغامبريميز مسجدده‌ اردي‌
اهلي‌ اصحابلاري‌ باقيپ‌ اوتيردي‌
شول‌ وقت‌ توقورداپ‌ بير كله‌ گلدي‌
مسجد ايشيگينده‌ دوردي‌، دوستلار هي‌
 
او ل‌ سلمان‌ پارسي‌ اوشبو زماندا
چادر ساقچي‌ اكن‌ بيلسنگ‌ اول‌ اوندا
او شول‌ پيغامبريميز اول‌ ياغشي‌ بنده‌
سلماني‌ چيقيپ‌ گور دييدي‌، دوستلار هي‌
 
سلمان‌ چيقيپ‌ گوردي‌ شول‌ آيدان‌ پيله‌
گوردي‌ كيم‌، ايشيكده‌ بير قوري‌ كله‌
بو زاتلانگ‌ همه‌سي‌ قدرت‌ الله‌
آواز بيلن‌ ييغلاپ‌ دوردي‌، دوستلار هي‌
 
ينه‌ سلمان‌ پارس‌ ايشيكدن‌ گيردي‌
گليپ‌ پيغامبره‌ باش‌ اگيپ‌ دوردي‌
كلاني‌ گوره‌ننينگ‌  بيانين‌ قيلدي‌
پيغامبرميز حيران‌ قالدي‌، دوستلار هي‌
 
پيغامبرميز اول‌ سلمانني‌ چاغيردي‌
اوشول‌ باشني‌ آليپ‌ گل‌ دييپ‌ بويوردي‌
سلمان‌ باريپ‌، درحال‌ اوني‌ گتيردي‌
كله‌ ييغلاپ‌، سلام‌ بردي‌، دوستلار هي‌
 
كله‌ پيغامبرينگ‌ جمالين‌ گوروپ‌
سيرين‌ بيان‌ اتدي‌ ييغلاييپ‌ دوروپ‌
باشا دوشن‌ ايشينگ‌ خبرين‌ بريپ‌
عذر بيلن‌ سوزون‌ آيتدي‌، دوستلار هي‌
 
دييدي‌: "يا پيغامبر، من‌ كافر ارديم‌
بير گيجه‌ من‌ سيزني‌ دويشومده‌ گوردوم‌
اوقودان‌ اويغانيپ‌، مسلمان‌ بولدوم‌
كونگلومه‌ ايمان‌ جاي‌ بولدي‌، دوستلار هي‌
 
ائغلان‌ اوشاقلاريمينگ‌ باريسين‌ آليپ‌
بارچاسين‌ اسلامغا دلالت‌ قيليپ‌
همه‌ كلمه‌ آيديپ‌، مسلمان‌ بولوپ‌
اوني‌ هم‌ ظ‌الملار بيلدي‌، دوستلار هي‌
 
قازغوروپبن‌ آتلي‌ بير دوو بار اردي‌
يوردوميزدا اول‌ دوو پادشاه‌ اردي‌
ظ‌الملار اول‌ دووگه‌ آيديپ‌ بيلديردي‌
اول‌ بيزگه‌ كوپ‌ غضب‌ قيلدي‌،دوستلار هي‌
 
غضب‌ بيلن‌ بيزه‌ آدم‌ ايبريپ‌
بيزينگ‌ بارچاميزي‌ يانينا آليپ‌
اول‌ بيزه‌ كوپ‌ يامان‌ غضب‌لار قيليپ‌
باريميز زندانا سالدي‌، دوستلار هي‌
 
منينگ‌ اوز جسديم‌ اول‌ ظ‌الم‌ اييدي‌
گوورام‌ تمام‌ ايييپ‌، كلامي‌ قويدي‌
فرزندلريم‌ باردي‌، بارين‌ يوووتدي‌
عياليم‌ خذمتكار بولدي‌، دوستلار هي‌
 
عياليم‌ اول‌ دووگه‌ بولدي‌ خذمتكار
ظ‌المينگ‌ بيتيني‌ گوزله‌دي‌ ناچار
هر بير بيتي‌ گويا پيشباقغاچا بار
بيزي‌ كوپ‌ عذابا سالدي‌، دوستلار هي‌
 
قوري‌ كله‌ بولوپ‌ اوزوم‌ قوتولديم‌
خداغا قان‌ ييغلاپ‌ مناجات‌ قيلديم‌
جايدان‌ چيقيپ‌، سنينگ‌ يانينگا گلديم‌
بيزگه‌ كرم‌ قيلينگ‌" دييدي‌، دوستلار هي‌
 
"اگر منينگ‌ سوزوم‌ باور قيلماسانگ‌
شول‌ ظ‌المدان‌ منينگ‌ عاريم‌ آلماسانگ‌
من‌ غريب‌ من‌، مانگا غمخوار بولماسانگ‌
دعوي‌گاريم‌ سيز"دييپ‌،آيتدي‌،دوستلارهي‌
 
رسول‌ آيتدي‌: "اي‌ اصحابلار، بولونگلار
بو ظ‌المدان‌ اونونگ‌ عارين‌ آلينگلار
خدا اوچين‌ جان‌ فداليق‌ قيلينگلار"
ديييپ‌، اصحابلارغا آيتدي‌، دوستلار هي‌
 
رسول‌ موني‌آيتدي‌ اوچ‌ يولا تكرار
اصحابلاردان‌ نه‌ آواز بار، نه‌ سوز بار
اوشول‌ يردن‌ توروپ‌، اول‌ شير جبار
"يا رسول‌، من‌ بارام‌" دييدي‌، دوستلار هي‌
 
رسول‌ آيتدي‌ اوندا: "يا شير جبار
نيچه‌ آدم‌ گرك‌ اوزونگه‌ دركار؟"
باش‌ يوز آدم‌ ديلاپ‌ حيدر كرار
اوزوم‌ سايلاپ‌ آلسام‌"دييدي‌،دوستلارهي‌
 
يول‌ بيلن‌ اول‌ كله‌ باش‌ بولوپ‌ يوردي‌
علي‌ شير خدا دلدلي‌ سوردي‌
كله‌ هم‌ تاقيرداپ‌ يول‌ بيلن‌ باردي‌
دلدل‌دن‌ هم‌ قاتي‌ يوردي‌، دوستلار هي‌
 
علي‌ دولدليني‌ روانه‌ اتدي‌
كسيك‌ باش‌ اول‌ يولدا "قرآن‌" ختم‌ اتدي‌
همه‌ باريپ‌، آخر بير يره‌ يتدي‌
شول‌ يرده‌ بير چاي‌ بار اردي‌، دوستلار هي‌
 
علي‌ شير خدا اونگا بارديلار
همه‌ گوروپ‌، حيران‌ بولوپ‌ دوردي‌لار
"نيچيك‌چاي‌؟"دييپ‌ اول‌ كله‌دن‌سوردي‌لار
دووينگ‌چايي‌ ديييپ‌ آيتدي‌، دوستلار هي‌
 
علي‌ آيتدي‌: "مني‌ چايا سالينگلار
بيليمگه‌ يوپ‌ ساليپ‌ روان‌ قيلينگلار
آخر تقدير نيچيك‌ بولسا گورونگلار
توكل‌ خداغا" دييدي‌، دوستلار هي‌
 
بيلينه‌ يوپ‌ ساليپ‌ شير خداني‌
سالديلار شو چايغا اول‌ مرتضي‌ني‌
مرتضي‌ قارانگقي‌ گوردي‌لر اوني‌
خداغا مناجات‌ قيلدي‌، دوستلار هي‌
 
غرض‌، شير خدا اول‌ چايا گيردي‌
اول‌ زماندا دووني‌ اوقودا گوردي‌
دووينگ‌ شكلين‌ گوروپ‌، حيرانلار قالدي‌
اوني‌ گوروپ‌، عجب‌ قالدي‌، دوستلار هي‌
 
علي‌ آيتدي‌: "موني‌ من‌ اولتورر من‌
اوقودا اولتورسم‌، نامرد بولار من‌
انشااله‌، دووينگ‌ باشين‌ آلار من‌"
ديييپ‌، اوياتماغا باردي‌، دوستلار هي‌
 
دووني‌ گوروپ‌، قيلدي‌ خداغا زاري‌
كله‌دن‌ گنبذ دك‌ گووره‌ مناري‌
هر بير قولي‌ گويا شاخ‌ چناري‌
بارماقلار پيل‌ بويني‌ اردي‌، دوستلار هي‌
 
هر نا اول‌ دوو خورروق‌ تارتيپ‌ ياتاندا
توزانلار ايچينه‌ گيرردي‌ اوندا
توزانلار چيقاردي‌ داشا تارتاندا
آي‌ گونلر گورونمز اردي‌، دوستلار هي‌
 
شير خدا دووينگ‌ يانينا باردي‌
ذوالفقارين‌ قالاپيندان‌ چيقاردي‌
قيليچ‌ آياغينا دورت‌ بارماق‌ گيردي‌
"چيبين‌ يامان‌ اكن‌" ديييدي‌، دوستلار هي‌
 
"چيبين‌ بار"ديييپ‌،قارس‌-قارس‌قاشاندي‌
آياغين‌ اوزاديپ‌، ينه‌ ييغيردي‌
اول‌ قيليچدان‌ هيچ‌ خبري‌ يوق‌ اردي‌
ينه‌ هم‌ اوقيغا باتدي‌، دوستلار هي‌
 
علي‌ شير خدا بو سيرني‌ گوروپ‌
يانگادان‌ اول‌ دووينگ‌ يانينا باريپ‌
دييدي‌: "بير سيناسام‌ بو دووني‌ اوروپ‌"
اورماق‌ اوچين‌ خيال‌ قيلدي‌، دوستلار هي‌
 
باريپ‌، شاپبات‌ بيلن‌ اوردي‌ اول‌ زمان‌
گويچ‌ بيلن‌ چالديلار اول‌ شير مردان‌
گوزلري‌ آچيليپ‌، اول‌ دوو بدنشان‌
حضرت‌ علي‌ني‌، گوردي‌، دوستلار هي‌
 
اوقودان‌ اويانيپ‌ اول‌ دوو بدنشان‌
"ديشيمينگ‌درماني‌ گل‌" ديييپ‌، اول‌ زمان‌
"آغزينگاسيغماس‌ من‌"دييپ‌اول‌شاهمردان‌
دووگه‌ بير سياست‌ قيلدي‌، دوستلار هي‌
 
قازقوروپبن‌ اوندا سربسته‌ بولوپ‌
بير دگيرمن‌ داشي‌ الينه‌ آليپ‌
يوز باتمان‌ داشيني‌ اول‌ آليپ‌ ساليپ‌
"ايندي‌ قوتولماس‌سن‌"دييدي‌،دوستلارهي‌
 
اول‌ داش‌ قايديپ‌، دووينگ‌ اوزونه‌ گلدي‌
داش‌ دگندن‌، اول‌ دوو بي‌پروا بولدي‌
"بسم‌ الله‌" دييپ‌، علي‌ ذوالفقار چالدي‌
اوشول‌ داشني‌ ايكي‌ ياردي‌، دوستلار هي‌
 
داشني‌ ايكي‌ بولوپ‌، دووني‌ يارالاپ‌
اول‌ دووني‌ بولوپ‌دير گورسه‌ پارالاپ‌
مرادين‌ مقصدين‌ خدادان‌ ديلاپ‌
قيليجيني‌ تارتيپ‌ آلدي‌، دوستلار هي‌
 
علي‌ اول‌ قيليجين‌ تارتيپ‌ آليپدير
گورسه‌، قيليچ‌ داشني‌ ايكي‌ بولوپ‌دير
اول‌ دووينگ‌ هم‌ ايشي‌ تمام‌ بولوپ‌دير
علي‌ حقا شكر قيلدي‌، دوستلار هي‌
 
ملعون‌ دوو اورونيپ‌ اوشول‌ زمان‌(دا)
"يالات‌، يالات‌" ديييپ‌، جان‌ بردي‌ (اوندا)
مردار اولوپ‌ قالدي‌ چايينگ‌ ايچينده‌
علي‌ گوروپ‌، حيران‌ قالدي‌، دوستلار هي‌
 
اول‌ كله‌ بگه‌نيپ‌، يانينا گليپ‌
علي‌دان‌ شول‌ زمان‌ كوپ‌ راضي‌ بولوپ‌
ظ‌الم‌ بدبخت‌ دووينگ‌ اوله‌نين‌ بيليپ‌
خدايا مناجات‌ قيلدي‌، دوستلار هي‌
 
كله‌دييرعلي‌غا:"ياغشي‌ايش‌قيلدينگ‌
حق‌سني‌خوش‌قيلسين‌،مني‌خوش‌قيلدينگ‌
اول‌ ظ‌المدان‌ منينگ‌ عاريمني‌ آلدينگ‌
زورلوغينگ‌ آشكارابولدي‌، دوستلار هي‌"
 
كله‌ ديير: "يا علي‌ قارنيني‌ يارغين‌
سويكلرين‌ بير-بيريندن‌ آييرغين‌
تمام‌ اعضالارني‌ پارالاپ‌ گورگين‌
فرزندلريم‌ يوويتدي‌" دييدي‌، دوستلار هي‌
 
علي‌ اول‌ ظ‌المينگ‌ قارنيني‌ ياردي‌
اوندا كسيك‌ باشينگ‌ بير اوغلين‌ گوردي‌
خدا قدرتيندان‌ سلامت‌ اردي‌
اول‌ كله‌ شاد بولوپ‌ گولدي‌، دوستلار هي‌
 
ظ‌المينگ‌ اعضاسين‌ ينه‌ هم‌ ديلدي‌
سونگك‌لرين‌ آييريپ‌ چيله‌چا باردي‌
اوندان‌ چيله‌چانينگ‌ قارنيني‌ ياردي‌
كلانينگ‌ بير قيزي‌ چيقدي‌، دوستلار هي‌
 
چپ‌ اليني‌ ديليپ‌ گوردي‌ بخت‌آزان‌
ينه‌ باردي‌  چيله‌چا اول‌ زمان‌
كلانينگ‌ بير اوغلي‌ اوندان‌ ساغ‌ آمان‌
تيريك‌ اكن‌، گولوپ‌ چيقدي‌، دوستلار هي‌
 
ساغ‌ آياغين‌ ديلدي‌ اول‌ شاهمردان‌
اونونگ‌ باش‌ بارماغين‌ ياردي‌ شول‌ زمان‌
اوندان‌ بير قيز چيقدي‌ سلامت‌ آمان‌
تيريك‌ اكن‌، گولوپ‌ چيقدي‌، دوستلار هي‌
 
"ينه‌ نا بار؟" ديييپ‌ گوزله‌ييپ‌ يوردي‌
تاپيپ‌ كسيك‌ باشينگ‌ آيالين‌ گوردي‌
اوندان‌ باري‌ دووينگ‌ بيتين‌ گوزلاردي‌
بو ظ‌المدان‌ اول‌ هم‌ ديندي‌، دوستلار هي‌
 
علي‌ ديير: "اصحابلار باري‌ گلينگ‌لر
من‌ كيمه‌ يوپ‌ داقسام‌، تارتيپ‌ آلينگ‌لار
شو گون‌ (سيزلر) مانگا ياري‌ بولونگ‌لار
سلامت‌ چيقسين‌لار" دييدي‌، دوستلار هي‌
 
اصحابلار علي‌نينگ‌ يانينا گلدي‌
صحابه‌لار يوپينگ‌ بير اوجين‌ آلدي‌
مرتضي‌ بير بيردن‌ يوپ‌ داقيپ‌ باردي‌
صحابه‌لار تارتيپ‌ آلدي‌، دوستلار هي‌
 
اينگ‌ سونگينده‌ چيقارديلار كلاني‌
علي‌ شير خدا ياتلاپ‌ الله‌ني‌
ار و خاتين‌، اوغلان‌ اوشاق‌، زناني‌
باريسي‌ سلامت‌ چيقدي‌، دوستلار هي‌
 
همه‌دن‌ سونگ‌ گوردي‌ تاپيپ‌ گووراني‌
يوپ‌ داقيپ‌ آلديلار اول‌ دمده‌ آني‌
دولان‌ آي‌ دك‌ بوليپ‌ چيقدي‌ نوراني‌
صحابه‌لار حيران‌ بولدي‌، دوستلار هي‌
 
علي‌ شير خدا ط‌هارت‌ قيلدي‌
حقدان‌ حاجت‌ ديلاپ‌، نمازه‌ دوردي‌
خداغا يالباريب‌، نمازين‌ بولدي‌
كلاني‌ گووراگه‌ قويدي‌، دوستلار هي‌
 
كلاني‌ گووراگه‌ قويوپ‌ مرتضي‌
خداغا يالباريب‌، قيلديلار دعا
سن‌ سن‌ پادشاهيم‌، سانگا من‌ گدا
جانين‌ باغيشلا دييپ‌ آيتدي‌، دوستلار هي‌
 
بارچه‌ صحابه‌لار "آمين‌!" دييدي‌لر
دعاده‌ علي‌غا كمك‌ بردي‌لر
شول‌ زمان‌ كلاني‌ تيريك‌ گوردي‌لر
اول‌ گووره‌ آسغيريپ‌ قالدي‌، دوستلار هي‌
 
شول‌ زمان‌ اول‌ گووره‌ آسغيريپ‌ قالدي‌
حضرت‌ علي‌غا تعظ‌يملا ر قيلدي‌
علي‌ اول‌ ظ‌الم‌دان‌ عارلارين‌ آلدي‌
بارچه‌لار شادمان‌ بولدي‌، دوستلار هي‌
 
اوشبو ايشلر پيغامبردن‌ شفقت‌
حضرت‌ علي‌دان‌ بولدي‌ كرامت‌
آيريلانلار همه‌ قووشوپ‌ سلامت‌
همه‌سي‌ شادمان‌ بولدي‌، دوستلار هي‌
 
علي‌ اصحابلارين‌ چاغيريپ‌ آلدي‌
بارچه‌سينه‌ بير بير گنگش‌لر قيلدي‌
صحابه‌لار سوزني‌ علي‌غا قويدي‌
"بارايلينگ‌ مدينا!" دييدي‌، دوستلار هي‌
 
كله‌ بيرلن‌ اوغلان‌ اوشاق‌، زناني‌
علي‌ بيرلن‌ همه‌ يولداش‌ ياراني‌
اونگ‌لرينه‌ ساليپ‌ شير خداني‌
مديناگه‌ روان‌ بولدي‌، دوستلار هي‌
 
بولار موندان‌ مدينه‌ دييپ‌ يوردي‌لر
چول‌ كسيپ‌، يول‌ كسيپ‌، آخر باردي‌لار
پيغامبرينگ‌ جماليني‌ گوردي‌لر
باري‌ تكبير آيديپ‌ گيردي‌، دوستلار هي‌
 
بارچه‌لاري‌ گليپ‌، سلامين‌ بردي‌
كله‌ پيغامبره‌ تعظ‌يملا ر قيلدي‌
"آلدينگيز عاريمني‌، يا رسول‌!" دييدي‌
"سيزه‌رحمت‌بولسين‌!"دييدي‌،دوستلار هي‌
 
باش‌ بوليپ‌ گلديلر اول‌ شاهمردان‌
كله‌ بيرلن‌ اوغلان‌ اوشاق‌ هم‌ زنان‌
رسولنينگ‌ يانيندا دوروپ‌ اول‌ زمان‌
بارچاسي‌ مسلمان‌ بولدي‌، دوستلار هي‌
 
رسولنينگ‌ يانيندا گتيريپ‌ ايمان‌
بارچه‌ كلمه‌ آيديپ‌، بولدي‌ مسلمان‌
بو دنياگه‌ گليپ‌ اول‌ شاهمردان‌
توكنمز ايشلرني‌ قيلدي‌، دوستلار هي‌
 
بولارنينگ‌ باريسي‌ مراده‌ يتدي‌
گورينگ‌، شير خدا كوپ‌ ايش‌لر اتدي‌
غريب‌ مختومقلي‌ بير دسسان‌ آيتدي‌
دعادان‌ اميدوار بولدي‌، دوستلار هي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی