دوزهم‌بولماسا



توغسان‌ دورلي‌ ط‌عام‌ بولسا
 قاشينگدا
نه‌ لذت‌ ايچينده‌ دوز هم‌ بولماســا
نه‌ بيلر سن‌ نه‌ ايش‌ باردير
 باشـينگدا
مشكل‌ ايشدير باشدا گوز هم‌ بولماسا

آياق‌ بار يورماگه‌، ال‌ بار آلماغــــا
 قاني‌ بنده‌، ساغليق‌ شكرين‌ قيلماغـــا
قولاق‌ باردير اشيتگه‌نين‌ بيلماگــه‌
كيم‌ دوزه‌در تيلده‌ سوز هم‌ بولماسا

يوق‌ يردن‌ جان‌ بريپ‌، يتيردي‌ نانــي‌
كونگول‌ بوستانيندا بيتگير ايمانــي‌
آدينگ‌ بنده‌ بولسا، ايانگي‌ تانــي‌
 گليپ‌ سانگا يوز به‌ يوز هم‌ بولماسا

قسمتين‌ حق‌ بيلن‌ رزقين‌ آزلامــاز
سوز بيلن‌لر بيلن‌ سوزون‌ گيزله‌مـز
كونگول‌ جوشا گلمز ديل‌ هم‌ سوزله‌مز
هر يوركده‌ عشقدان‌ كوز هم‌ بولماسا

ييلدان‌ ييلا فساد آرتار ايامــه
حقينگ‌ اوزي‌ گتيرمه‌سه‌ انجامـــه‌
دنيا سوزي‌ منگزار دوزسيز ط‌عامـــه
 سوز ايچينده‌ گلين‌ - قيز هم‌ بولماسا

يوم‌ گوزونگ‌ني‌، ياپيپ‌ گزگيل‌ ديشينگ‌ني‌
 يازا يتسنگ‌ اونوتماغيل‌ قيشينگ‌ني‌
توكل‌ ات‌ حقه‌ تابشير ايشينگ‌نـــي‌
صبر بيلن‌ بيتر تيز هم‌ بولماسا
 
مختومقلي‌ خيال‌ دوشدي‌ اوزومـه‌
 كوپ‌ تماشا گليپ‌ گچر گوزومـه‌
اشيدنلر عيب‌ ايله‌مانگ‌ سوزومــه‌
ايل‌لر كيبي‌ ســوزوم‌ اوز هم‌ بولماسا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی