دويشونه‌دگمز


يوقسولليقدا نيچه‌لرينگ‌ دوراني‌

ياتيپ‌، ياغشي‌ گورن‌ دويشونه‌ دگمز

نيچه‌لر حسرتده‌ تاپيپ‌ خشك‌ ناني‌

بير لذتلي‌ ط‌عام‌ ديشينه‌ دگمز

 

سوران‌ بولسا، سينام‌ ايچره‌ سوزلار بار

يوز تومن‌دن‌ يگ‌دير، نيچه‌ سوزلر بار

نيسان‌سيز، نبات‌سيز نيچه‌ يازلار بار

خشك‌ليق‌ بيلن‌ گچن‌ قيشينا دگمز

 

عاقل‌لار بار باشا باغلاپ‌ كچه‌لر

ايچگين‌-ايچگين‌ سورسانگ‌، معني‌ سچه‌لر

آقماقليقدا اوزون‌ بزاپ‌ نيچه‌لر

كله‌سينه‌ ساران‌ پشينه‌ دگمز

 

آنگلامازا آيت‌ سوزلرين‌ دييسنگ‌

پيغامبر حديثين‌ اونگونده‌ قويسانگ‌

قييمازليقدا مونگ‌ سوز قولاغنا قويسانگ‌

اول‌ سوزلر قولاغنينگ‌ داشينا دگمز

 

اينجيتسا اوغول‌-قيز انه‌-آتاسين‌

توبه‌ قيلماي‌، حق‌ گچيرمز خط‌اسين‌

دوران‌ گلسه‌ بيلمز، نه‌ ايش‌ توتاسين‌

هر كيمينگ‌ بو ايش‌لر باشينا دگمز

 

نيچه‌لر مال‌ تاپماز، تنگدست‌ بولار

نيچه‌لر بار ــ دنياليكدن‌ مست‌ بولار

نيچه‌لر بار ــ ييگيت‌ليكده‌ نيست‌ بولار

نيچه‌لر بار ــ سورن‌ ياشينا دگمز

 

مختومقلي‌، گرچه‌ ايشيم‌ نمازدير

كونگلوم‌ پريشان‌ دير، سهويم‌ درازدير

آدام‌ بار - مونگ‌ تومن‌ اييديرسنگ‌ آزدير

آدام‌ باردير ــ ايين‌ آشينا دگمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی