درداولدي



كونگول‌ برديم‌ بير بي‌وفا محبوبه‌
چيقدي‌ الدن‌، داغي‌ جانا درد اولدي‌
عاشق‌ ديير: "باقمانام‌ ايندي‌ اول‌ خوبه‌
يول‌ اوستوندن‌ دوشدي‌، گوزوم‌ دورت‌ اولدي‌
 
منليك‌ بيلن‌ اتديم‌ ايشيم‌ني‌ ضايا
اقباليم‌ اشه‌گين‌ باتيرديم‌ لايا
يا بير مرده‌ ييقيل‌، يا-دا خدايا
بنده‌ ايشي‌ باش‌ توتمادي‌، آرت‌ اولدي‌
 
توغونيم‌ تور بولوپ‌ قاچدي‌ صياددان‌
گووره‌ غمدان‌ دولدي‌، يورك‌ هم‌ اوتدان‌
قورقارام‌، يار بيزي‌ چيقارار ياددان‌
آيري‌ يرده‌ مسكن‌ توتدي‌، يورت‌ اولدي‌
 
سونام‌ ال‌ برمه‌دي‌، سالديم‌ بازيم‌ني‌
لاچين‌ قاودي‌، قارغا آلدي‌ غازيم‌ني‌
شونچا فقيرليغا اوردوم‌ اوزوم‌ني‌
تيلكي‌له‌نيپ‌ گزديم‌، آرديم‌ قورت‌ اولدي‌
 
مختومقلي‌، يوره‌گيمده‌ درد دورار
كيم‌ گوروپدير، قوي‌ ايچيندن‌ قورت‌ دورار
اي‌ يارانلار، مرد ييگيتدن‌ مرد دورار
قاچان‌ توردي‌ ــ نامرد اوغلي‌ مرد اولدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی