دپه‌نه‌دير،دوزنه‌دير



يدي‌ ياشان‌ عرب‌ آط‌ينگ‌ شانيندا
معلوم‌ بولماز، دپه‌ نه‌دير، دوز نه‌دير
يونگي‌ يتن‌ قوچ‌ ييگيدينگ‌ يانيندا
آلتميش‌ نه‌ دير، يتميش‌ نه‌ دير، يوز نه‌دير
 
نامرد اوغلي‌ قورقي‌ چكر ميداندان‌
آغاچ‌ آدم‌ بولوپ‌ گورنر هر ياندان‌
مخنث‌لر خوفلي‌ يرده‌ دشماندان‌
ساچا بيلمز دومان‌ نه‌ دير توز نه‌دير
 
سپاه‌ بولوپ‌، مينر آط‌ين‌ بيلمه‌ين‌
عارف‌ بولوپ‌ اوز عزتين‌ بيلمه‌ين‌
صحبت‌ ايچره‌ سوز لذتين‌ بيلمه‌ين‌
آنگلا بيلمز مجلس‌ نه‌ دير، ساز نه‌دير
 
قارغا يته‌ بيلمز بازينگ‌ جنگينده‌
گورنه‌ بيلمز اول‌ ميدانينگ‌ دنگينده‌
آچ‌ قاريچغاي‌، آلغير لاچين‌ اونگونده‌ 
مونگ‌ ييغيلسين‌، اوردك‌ نه‌ دير، غاز نه‌دير
 
مختومقلي‌ سوز جوش‌ ادر تيلينگدن‌
محنثه‌ يول‌ برمه‌گيل‌ يلانگدن‌
بو هنرلر گلر، گلمز الينگدن‌
ديلدن‌ گلن‌ بو جرات‌لي‌ سوز نه‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی