دانگ‌آتمازدان‌بورون‌



آدم‌ اوغلي‌، ياتما غافل‌
تور-ها دانگ‌ آتمازدان‌ بورون‌
ييگيت‌ليكده‌ ط‌اعت‌ قيلغيل‌
قارري‌ليق‌ يتمزدان‌ بورون‌
 
قارري‌ليق‌ ط‌اعت‌ قيلديرماز
ايشينگ‌ عبث‌دير، بيلديرمز
فلك‌ آغلادار گولدورمز
سور دوران‌ اوتمزدان‌ بورون‌
 
بنداگه‌ ايله‌مه‌ قصدي‌
آغيرتماغيل‌ ياري‌ - دوستي‌
بير گون‌ گليپ‌، اجل‌ دستي‌
ياقانگدان‌ توتمازدان‌ بورون‌
 
قارداش‌لارينگ‌ ييغلاپ‌ قالار
ينگ‌، ياقاسيز دونا سالار
بير گون‌ امانتينگ‌ آلار
سن‌ توبه‌ اتمزدان‌ بورون‌
 
بو دنياگه‌ گلن‌ گچر
خلايق‌ اول‌ مي‌دن‌ ايچر
بير آژدارها آغزين‌ آچار
وهم‌ ايله‌ يووتمازدان‌ بورون‌
 
مشغول‌ سن‌ دنيا اوينونا
گيرر سن‌ يرينگ‌ قوينونا
اجل‌ بندانينگ‌ بوينونا
قايداور مينمزدن‌ بورون‌
 
اجل‌ بارچاني‌ ادالار
قالمازلار شاه‌ و گدالار
حرامدان‌ قاچ‌، كدخدالار
روسياه‌ بولماسدان‌ بورون‌
 
ساقلا غيبتدان‌ تيلينگي‌
باغلاتما ايكي‌ قولونگي‌
آچيلان‌ تازه‌ گلينگي‌
الله‌ سولدورماسدان‌ بورون‌
 
بنداگه‌ اتمه‌ خيانت‌
بارچا قول‌ تانگريغا رعيت‌
بو سوزده‌ بار حديث‌، آيت‌
فهم‌ ايله‌ اولمسدن‌ بورون‌
 
تور سحر، تانگريغا ييغلا
"حق‌" ديييپ‌ يوره‌گينگ‌ داغلا
توبه‌ يوپون‌ ماكام‌ باغلا
قيرقينگا گيرمس‌دن‌ بورون‌
 
مختومقلي‌ دوغري‌ سويله‌
عمرينگ‌ گليپ‌، گچر بيله‌
زينهار، ياش‌ اولينگي‌ سيلا
باش‌ گوره‌ گيرمس‌دن‌ بورون‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی