داليم‌منينگ‌



اي‌ يارانلار، سورماييرلار بير كيشي‌ حاليم‌ منينگ‌
بولمادي‌ قديم‌ الف‌ دك‌، اورولير داليم‌ منينگ‌
اوتدي‌ آرمان‌ بيرله‌، دوست‌لار، فانيدا ساليم‌ منينگ‌
نيله‌يين‌، اي‌ دوست‌لاريم‌، قانيم‌ دوكر ظ‌الم‌ منينگ‌
بيلمه‌نم‌، قايسي‌ يرده‌ آچيلار آليم‌ منينگ‌
 
اوتدي‌ عمريم‌، دوست‌لارا، بو دنياگه‌ مايل‌ بولوپ‌
ايل‌ و گوندن‌ آيريليپ‌، دوشوم‌ جدا سايل‌ بولوپ‌
قيلماديم‌ حقه‌ عبادت‌ دايما جاهل‌ بولوپ‌
هر نه‌ برن‌ گونوگه‌ شكر ايله‌ديم‌، قايل‌ بولوپ‌
اي‌ خدايا، سن‌ آغير قيل‌ آندا اعماليم‌ منينگ‌
 
جاهلينگ‌ كونگلي‌ بوزوق‌دير، خوار اولورميش‌ بيلمه‌ديم‌
ايل‌-گون‌، دنگ‌ دوشلاريغه‌ زار اولورميش‌ بيلمه‌ديم‌
اوشبو دنيا گينگ‌ ديير ارديم‌، دار اولورميش‌ بيلمه‌ديم‌
كيم‌ كه‌ ايلدن‌ آيريلار، بيمار اولورميش‌ بيلمه‌ديم‌
دييينگ‌، بيزي‌ ياد ايله‌سين‌ دنگ‌-دوشوميز، ايليم‌ منينگ‌
 
گيجه‌-گونديز آه‌ اوروپ‌ چكديم‌ مگر افغان‌ و زار
ايسته‌ييپ‌ گزديم‌ اوزوم‌گه‌، تاپماديم‌ وفالي‌ يار
دنيا بير شاهمار گلين‌دير زلفين‌ ايلاپ‌ تار-تار
اوتگون‌ ايلاپ‌: "باري‌ گل‌!" ديير، تلموريپ‌، هر يان‌ قارار
دوست‌لارا، من‌ نه‌ قيلاي‌، شوندا گيدر ميليم‌ منينگ‌
 
اورته‌نور مختومقلي‌ يادا دوشنده‌ ايل‌لريم‌
گويا بير دريا دورور چشميمدن‌ آقان‌ سيل‌لريم‌
دوست‌لارا، بير ييل‌ دورار گويا مانگا هر گون‌لريم‌
يوره‌گيم‌ ط‌اقت‌ گتيرمز سوزله‌يير بو ديل‌لريم‌
لط‌ف‌ اديپ‌ قيلسين‌ ترحم‌ كرملي‌ سلط‌انيم‌ منينگ

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی