داشي‌سينديرار



اقبالينگ‌ اويانسا، دولت‌ يار بولسا
داغا آزي‌ اورسانگ‌ داشي‌ سينديرار
ط‌العينگ‌ ترس‌ گلسه‌، بختينگ‌ شور بولسا
"پالوده‌" ديين‌ آش‌ ديشي‌ سينديرار
 
اجلينگدن‌ قورقوپ‌ گيرسنگ‌ عمانا
قورقودان‌ نه‌ پيدا گيده‌جك‌ جانا
عمرينگ‌ آخر بولوپ‌ دولسا پيمانا
خشخاشينگ‌ ساماني‌ باشي‌ سينديرار
 
بار سوزينه‌ قولاق‌ سالغين‌ بيله‌نينگ‌
آخري‌ هيچ‌ يره‌ يتمز يالانينگ‌
عمري‌ مالي‌ آرتار آلقيش‌ آلانينگ‌
قارغيش‌ قالينديرماز، ياشي‌ سينديرار
 
عاقلينگ‌ سوزونه‌ كونگول‌ سويونر
آقماغينگ‌ ايشينه‌ ذهين‌ كايينر
مخنث‌ گينگ‌ يرده‌ عاقل‌ سايينار
دار يرده‌ عقلي‌ - هوشي‌ سينديرار
 
مختومقلي‌ چولده‌ گزن‌ ناشيني‌
كوپ‌ گوردي‌ دييپ‌ سورما آنينگ‌ ياشيني‌
دار مجلسده‌ دولي‌ برسنگ‌ آشيني‌
آشين‌ اييه‌ بيلمز، كاشي‌ سينديرار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی