دوندي‌دوويريامانا



اي‌، آقالار، آغلار من‌، گلدي‌ گچدي‌ زمانا
ياغشي‌ قدري‌ بيلينمه‌ي‌، دوندي‌ دووير يامانا
يامان‌ آلدي‌ جهاني‌، دونمز ديلي‌ ايمانا
كوپ‌ فقيرلار آغلاشيپ‌ گلر آندان‌ آمانا
ايستاري‌ بار آز وقتدان‌ درهم‌ بولا زمانا
 
نه‌ صفالي‌ گونميشديك‌، دنگ‌-دوش‌ بيله‌ باش‌ قوشمان‌
باشينگ‌ قارا بيلمه‌دينگ‌، نه‌ دوست‌بيلدينگ‌،نه‌دوشمان‌
اي‌ يارانلار، سود اتمز ايمدي‌ اتسنگ‌ مونگ‌ پشمان‌
دنياسينه‌ دولاشمان‌، اوغول‌ - قيزا بولاشمان‌
نه‌ هوزيرلي‌ گونميشديك‌ بولوپ‌ گيتسنگ‌ ديوانا
 
دوشمه‌گين‌ خام‌ خيالا ــ دنيا گلن‌ اولمزلر
گلن‌ گچر دنيادن‌، بيري‌ آمان‌ قالمازلار
جانلار چكيب‌ چاغيرسانگ‌، دوغري‌ يولا گلمزلر
هر نه‌ بولسا يووتارلار، حلال‌، حرام‌ بيلمزلر
دييرلر: حقدير محمد: اويوبديرميز قرآنا
 
دوران‌ نيچيك‌ دوران‌ سن‌، غريب‌ آغلار، ايل‌ دينماز
ظ‌لمي‌ آرتار ظ‌المينگ‌، هيچ‌ كونگلونه‌ رحم‌ اينمز
جهاني‌ ياقدي‌ گيتدي‌، يامانينگ‌ اودي‌ سونمز
بير محمد خاط‌رنا ير ياريلماز، گوك‌ اينمز
چرخ‌ قووانار بو ايشه‌، بولماز آخرزمانا
 
غافل‌ قالديم‌، يارانلار، اوز-اوزومدن‌ رشتيم‌ يوق‌
حقدان‌ غيري‌ هيچ‌ يرده‌ پناهيم‌ يوق‌، پشتيم‌ يوق‌
فكر بحرينه‌ گيرديم‌، يلكنيم‌ يوق‌، كشتيم‌ يوق‌
مختومقلي‌، من‌ موندان‌ چيقار يانگليغ‌ دشتيم‌ يوق‌
اليم‌ برسم‌، توتان‌ يوق‌، دوشدوم‌ دويپ‌سيز عمانا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی