دوكوپ‌بارادير



غم‌ دوماني‌ باسيب‌ غريب‌ كونگلومني‌
گوزده‌ ياشين‌ سيلماي‌، دوكوپ‌ بارادير
كيمدير رحم‌ ايله‌ين‌، سوروب‌ حاليمني
بوزوق‌ كونگلوم‌ گوركون‌ ييقيپ‌ بارادير
 
گرچه‌ اوت‌ ياقسالار عشق‌ ياغيندان
اولوم‌ آسان‌ ارر دوست‌ فراغيندان‌
هجران‌ مني‌ قاودي‌ صبر باغيندان‌
فراق‌ بوغون‌ - بوغون‌ سوكوپ‌ بارادير
 
اول‌ دوري‌ - دورانيم‌ چرخ‌ بولاشديردي
غم‌ جانيم‌ قوراتدي‌، اوت‌ توتاشديردي‌
عشق‌ مني‌ يانديردي‌، حددن‌ آشيردي
يوره‌گيم‌ ايچيمدن‌ چيقيپ‌ بارادير
 
فراغت‌ ياتيرديم‌ نفسيم‌ني‌ بسلاپ‌
توردي‌ كونگلوم‌ يار جمالين‌ هوسلاپ‌
حقدان‌ حاجت‌ ديلاپ‌، مرادين‌ ايسلاپ
گوزوم‌ اول‌ يوللارا باقيب‌ بارادير
 
مختومقلي‌، مجاليم‌ يوق‌، سويلايين
دوست‌لارغا درديمني‌ عيان‌ ايلايين‌
اي‌ يارانلار، ييغلامايين‌ نيلايين‌
عشق‌ مني‌ يانديريپ‌، ياقيپ‌ بارادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی