دوكربولدوق‌ياشيميز



ايستار ـ الدن‌ چيقا دولت‌ هماييم‌
دعا قيليپ‌، دوكر بولدوق‌ ياشيميز
ديله‌گيم‌ دوش‌ ايله‌، گوزل‌ اللهيم‌
ارسگين‌ بولدي‌ گيتدي‌ قيزيل‌ باشيميز
 
خضر گزن‌ چولده‌ ايللر ياييلسين‌
يورت‌ بناميز قاييم‌ بولسون‌، قويولسين‌
چيلله‌ مست‌ نرلرميز بارچا آييلسين‌
بير سفره‌دا ادا بولسون‌ آشيميز
 
درويش‌لر كونگلي‌ جمع‌ دورسون‌ نمازا
ييگيت‌لر ييغيلسين‌ صحبته‌-سازا
ايليميز اولاشسين‌ ساويلماز يازا
توغسان‌ دولوپ‌، تمام‌ بولسون‌ قيشيميز
 
تركمنلر باغلاسا بير يره‌ بيلي‌
قورودار قلزمي‌، دريايي‌ نيلي‌
تكه‌، يوموت‌، گوكلنگ‌، يازير، آليلي‌
بير دولته‌ قوللوق‌ اتسك‌ باشيميز
 
مختومقلي‌ دييدي‌ جانينگ‌ ديرليگنه‌
مسلماني‌ قويما كافر خورلوغنا
رواج‌ برگيل‌ يوموت‌، گوكلنگ‌ بيرليگنه‌
اول‌ كمال‌خان‌ اوغان‌ بولسون‌ باشيميز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی