دونلي‌گورنر



دوغري‌ باقمازلار جولليه‌ 
گوزه‌ قيزيل‌ دونلي‌ گورنر
سوز فهم‌ اتمز آقماق‌-گدي
اوز يانيندان‌ ديل‌لي‌ گورنر
 
باشا دگمه‌يينچا قورتلار
قصد اتمانگ‌، گركدير يورتلار
ياغيدا تانالار مردلر
ايل‌ ايچينده‌ ماللي‌ گورنر
 
فكر ات‌ باشه‌ ايش‌ دوشمانده‌
ايسسي‌ يوقدور سونگ‌ پشماندا
آط‌ ميداندا، ار دوشماندا
تويدا تيرمه‌ شاللي‌ گورنر
 
جاني‌ ساغينگ‌ سوزلار تيلي‌
جوماردينگ‌ دك‌ دورماز الي‌
هر كيشي‌نينگ‌ اوز عقلي‌
اوزونه‌ كماللي‌ گورنر
 
قديمدان‌ ست‌دير ياغشي‌ليق
ياغشي‌ زاتدير ياغشي‌ قيليق‌
مرد ييگيده‌ آز ياغشي‌ليق
آز هم‌ بولسا، سوي‌لي‌ گورنر
 
گل‌، عقل‌ دولاندير ايندي
يورك‌ پيوندي‌، جان‌ بندي‌
هر كيشي‌نينگ‌ اوز فرزندي
اوزونه‌ جماللي‌ گورنر
 
مختومقلي‌، سوز بنيادينگ‌
آغزيندا ياقينينگ‌، يادينگ‌
هونار يوق‌، سوز بيلن‌ آدينگ‌
خلق‌ ايچينده‌ بللي‌ گورنر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی