دوُشسانگ دردِ بلاغا



((الف))اوّل ابتدا حمدینگ یتیر خداغا
((بی))، بوْش یؤرمه قوُللوُقدا دوشسانگ دردِ بلاغا
((تی))، تور خوابِ غفلتدان عمرونگ گلمیش اوْراغا
((ثی))، سقر بار، حاضر بول، ((جیم)) جهد ایله یاراغا

((حی))، حُلم نینگ حُرمتی چون رحم ات من بینواغا
((حی))، حسرتلی اَلَمْنی مندن اؤزگه کیم ایلاْر
((دال))، دردیمگه دوانی سندن اؤزگه کیم ایلاْر
((ذال))، زمرهء گناهه، ((ری)) رحمینگ مرهم ایلاْر

((زی))، زور ایله سه خشمینگ، کُلُّسین درهم ایلاْر
((سین))، سحرلر بیدار ات، سال چشمیمنی اوْیاغا
((شین))، شوقونا دوشگن لر، ((صاد))، صبر ادیپ دوُرمازلار
((ضاد))، ضیانگی آنگلانلار، های ، یؤریرلر، آرمازلار

((طای))، طالبِ دیدارینگ آرام- قرار قیلماز
((ظای))، ظاهردیر، ((عین))، علمینگ بیلدیرمه سنگ بیلمِز لِر
((غین))، غفلت ایچینده قوْیما منی فراغا
((فی))، فکرینگ قیلغانغا، ((کاف)) قدرتینگ بس دألمی

((کاف))، ((کُنْ)) دییگن بنانگا، ((لام)) لمعتینگ بس دألمی
((میم))، من معنی آنگلانغا، ((نون)) نعمتینگ بس دألمی
((واو))، وصلینگا یتینچأ، ((هی)) هجرتینگ بس دألمی
((لام- الف))، یوْق اعتبار دنیایِ بیوفاغا

((یا))، یالانچی دنیانینگ پیشه سی آل بیلن دیر
آلین گؤروپ قوُوانما، دویبی زوال بیلن دیر
چرخینگ ایشی هر زمان بیر آیری حال بیلن دیر
مختومقلی، بیر کؤنگلوم یوز مونگ خیال بیلن دیر
ایشیم آسان اتمه سنگ، دؤنِر، یا، الی الصلاغا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی