ريسمان‌داقارلار



ير آستيندا مسكن‌ توتان‌ پل‌ صراط‌
داغ‌لار كيمين‌ يوزمونگ‌ ريسمان‌ داقارلار
عذاب‌ برمك‌ اوچين‌ هر بير نامرده‌
يدي‌ ير آستيندا اوني‌ چكرلر
 
يارادان‌ الله‌دان‌ فرمان‌ يتيشسه‌
يتميش‌ مونگ‌ صف‌ ملك‌ دوشر بو غصه‌
هر صفي‌ انس‌-جنه‌ يتميش‌ مونگ‌ حصه‌
آليپ‌ گليپ‌ ير يوزونه‌ چكرلر
 
دورت‌ ستون‌ هر ستون‌ اوتوزمونگ‌ باشلي‌
اوتوزمونگ‌ دهان‌لي‌ اوتوزمونگ‌ ديشلي‌
هر ديشي‌ بار بلند داغلاردان‌ گويچ‌لي‌
هر ديشيندن‌ اوتوزمونگ‌ زنجير داقارلار
 
داغ‌لاردان‌ قوت‌لي‌، دريا هيبت‌لي‌
اوتگور آلماز ديشلي‌، نهنگ‌ صفت‌لي‌
محشر حق‌ يانيندا بولسانگ‌ اويات‌لي‌
فيل‌ گاميش‌ بويون‌لي‌ موي‌لر سوقارلار
 
مختومقلي‌ بويون‌ قويغون‌ فرمانه‌
قيامت‌ گون‌ حيفينگ‌ گلسين‌ بو جانا
جهنم‌ قهريندان‌ چكسه‌ زبانه‌
نر بوغرا صفت‌لي‌ ايچيان‌ چاقارلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی