روان‌اولدي



مكه‌دن‌ چيقدي‌ بير گوزل‌
مديناگه‌ روان‌ اولدي‌
گورن‌ تاج‌ اتدي‌ سرينه‌
گورمانينگ‌ باغري‌ قان‌ اولدي‌
 
حقدان‌ آنگا ايندي‌ كلام‌
آدي‌ شام‌ چراغ‌ الاسلام‌
مط‌يع‌ اولدي‌ جمله‌ عالم‌
شيله‌ صاحب‌ زمان‌ اولدي‌
 
دوسته‌ يتدي‌ بارا-بارا
يدي‌ گوگي‌ يارا-يارا
هر كيم‌ منكردير اول‌ اره‌
كافردير، بي‌ گمان‌ اولدي‌
 
قول‌ گوتريپ‌، رسول‌ آغلار
قوشاشدي‌ غنچه‌لار، باغلار
بدرينگ‌ اوروشوندا داغلار
يدي‌ آيلاپ‌ دومان‌ اولدي‌
 
صف‌ قوردي‌ باتير بنگي‌لر
دوووشه‌ چيقدي‌ زنگي‌لر
قانا باتدي‌ اوزنگي‌لر
علي‌نينگ‌ دستي‌ قان‌ اولدي‌
 
مقاتل‌ اتمه‌دي‌ تشويش‌
علي‌ بيلن‌ سالدي‌ دوويش‌
توپراق‌، دمير، پولات‌، كوموش‌
قلعه‌لاري‌ ويران‌ اولدي‌
 
مختومقلي‌، رومستانا
چالدي‌ قيليچ‌ هندوستانا
بدخشانا، تركستانا
يدي‌ اقليما خان‌ اولدي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی