رواج‌اوتورميش‌



مختومقلي‌:
ـ بيزدن‌ سلام‌ بولسون‌ اول‌ اوراز خانا
 تخت‌ اوستونده‌ كيمسه‌ رواج‌ اوتورميش‌
قيرق‌ كاسه‌ مي‌ قويوپ‌ ط‌لا دان‌ جاما
اول‌ كيمسه‌دي‌ بارين‌ باشا گوترميش‌
 
اوراز خان‌:
ـ بيزدن‌ سلام‌ بولسون‌ اوسسات‌ فراغا
 سليمان‌ ارك‌ تخته‌ رواج‌ اورتورميش‌
بلقيس‌ قويوپ‌، قيرق‌ كاسه‌ مي‌ اول‌ جاما
 ارن‌لر ييغنانيپ‌، باشا گوترميش‌
 
 
ـ نه‌ عاشق‌دير، آغلار، گوزده‌ ياشي‌ يوق‌؟
نه‌ گووره‌دير، ايكي‌ كيبته‌ باشي‌ يوق‌؟
اول‌ نه‌ گوزدور، كيرپيگي‌ يوق‌ قاشي‌ يوق‌؟
گوزلولردن‌ ياغشي‌ نارسه‌لر گورموش‌؟
 
ـ مشرب‌ آغلار گوزلرينده‌ ياشي‌ يوق‌
اول‌ زمين‌دير، گووره‌سي‌ بار، باشي‌ يوق‌
آفتاب‌دير كيرپيگي‌ يوق‌، قاشي‌ يوق‌
جهانا آيلانار، كوپ‌ نارسه‌ گورموش‌
 
ـ اول‌ نه‌ قوشدور، هيچ‌ قانات‌سيز اوچادير؟
اول‌ نه‌ سالدير، عمانلاردان‌ گچه‌دير؟
اول‌ نه‌ كشتي‌، يدي‌ دريا گچه‌دير؟
سكيزني‌ گوزله‌ييپ‌، مستانا بارميش‌؟
 
ـ جانسيز قوشلار هيچ‌ قانات‌سيز اوچارميش‌؟
دنگيز يوزوپ‌، عمانلاردان‌ گچرميش‌؟
يوره‌مز جاني‌ يوق‌، گور، سوو ايچرميش‌
بيرين‌ آلسا، سكيز مستانا بارميش‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی