{ وبسایت مختومقلی فراغی ، دیوان کامل اشعار،معرفی و زندگی نامه  

زوربولار



ياغشيليقدا ايله‌ اوزون‌ تانيدان‌
آلقيش‌ آليپ‌، درجه‌سي‌ زور بولار
يامان‌ بولوپ‌، ياغشيليغي‌ اونيدان‌
اوز عزتين‌ گيتدير، ايتدن‌ خور بولار
 
مونگلي‌ بولار مرادينه‌ يتمه‌ين‌
موينلي‌ بولار حق‌ امريني‌ توتمايان‌
اوز رزقينه‌ هيچ‌ قناعت‌ اتمه‌ين‌
 گوزون‌ ديكر، كيشي‌ آشينا زار بولار
 
هر كيم‌ يامانلاسا دنگي‌ - دوشيني‌
اوزي‌ مشكل‌ ادر آسان‌ ايشيني‌
كيم‌ دارغاتسا عقل‌ بيلن‌ هوشيني‌
ادر ايشين‌ بيلمز، شرمسار بولار
 
ذهني‌ كج‌ بولار بادي‌ يانگيلان‌
بي‌اختيار بولار قولي‌ دانگيلان‌
گورشده‌ ييقيلان‌، جنگده‌ ينگيلن‌
ايچي‌ دولي‌ ناميس‌ بيلن‌ عار بولار
 
غيراتي‌ كم‌ بولار قهري‌ آزينگ‌
دپگيني‌ پس‌ بولار ماتمدا سازينگ‌
اويونه‌ بارسانگيز، بير بي‌نيازينگ‌
گووره‌سي‌ قيسيلار، كونگلي‌ دار بولار
 
كيم‌ بلاني‌ ساتين‌ آلسا باشينا
رشك‌ اديپ‌، رقيب‌لار گچر داشينا
توقوش‌ اتسه‌ كيم‌ باشارماز ايشينه‌
سوداسيندان‌ گله‌ بيلسه‌، ار بولار
 
سونگين‌ توبه‌ اتمز يانگيليپ‌-يازان‌
اوت‌ ياقسانگ‌ قايناماز بيرقوري‌ قازان‌
فهم‌ ادينگ‌، هر يرده‌ بير پالي‌ آزان‌
ياويز مسلط‌ه‌ سزاوار بولار
 
خزانه‌ دونوبدير عمريم‌ تر گلي‌
نظ‌رين‌ پس‌ توتار ايلدن‌، برگيلي‌
بي‌اقبال‌، يازيقلي‌، يامان‌ گورگولي‌
اوچراش‌ گلسه‌، بير يامانا يار بولار
 
اونگده‌ ايزدا گورسنگ‌ هركس‌ غلامين‌
اوندان‌ آياماغين‌ تانگري‌ سلامين‌
كيم‌ اوقيپ‌ اونوتسه‌ حقينگ‌ كلامين‌
قيامت‌ گون‌ ايكي‌ گوزي‌ كور بولار
 
حالي‌ مشكل‌ بولار كويوپ‌ - يانانينگ‌
ايماني‌ شكست‌ تاپار حرام‌ اييه‌نينگ‌
قصددان‌ روزه‌، نمازيني‌ قويانينگ‌
اوزي‌ كافر، بيلينگ‌، جايي‌ دار بولار
 
مختومقلي‌، سوزله‌ هر نه‌ بيله‌نينگ‌
اوزونگه‌ كمليك‌ بيل‌ آيتمان‌ اوله‌نينگ‌
تاراشلاب‌، شاغلاتغيل‌كونگله‌ گله‌نينگ‌
سندن‌ سونگقي‌لارا ياديگار بولار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی