زاندي‌ييگيدينگ



آقا-بگ‌لر، عالم‌ اوزره‌ مغ‌ رباط‌
گرك‌ سينه‌سينده‌ زاندي‌ ييگيدينگ‌
روزگاري‌ بولسا دولتي‌ زياد
شول‌ گون‌ ياقين‌ بولار يادي‌ ييگيدينگ‌
 
قوچ‌ ييگيت‌ اوغراسا گنج‌ نهانا
بير زينت‌ ياراشماز ناهار مكانا
مالي‌ سياب‌ بولسا، عقلي‌ دانا
تارتيلار آسمانا بادي‌ ييگيدينگ‌
 
ييگيت‌(بولسا)راستگوي‌گرك‌،دوزگرك‌
كماللي‌ فرزنده‌، بيلينگ‌، گوز گرك‌
بي‌كمالدان‌ اللي‌ گرك‌، يوز گرك‌
ناكس‌ بولسا، ييتر آدي‌ ييگيدينگ‌
 
قوچ‌ ييگيده‌ مدد برسه‌ پريشده‌
چهار ط‌رفيندان‌ بولار سريشده‌
آبرايدا چمي‌ گلسه‌، هر ايشده‌
گرك‌ سيناسيندا اودي‌ ييگيدينگ‌
 
گل‌ دگره‌سي‌ نچون‌ بولماسين‌ خارسيز
ييگيت‌ بولان‌ ييگيت‌ بولماسين‌ عارسيز
ايل‌سيز، قارينداش‌سيز، قالسا غمخوارسيز
اشديلمز هيچ‌ يرده‌ دادي‌ ييگيدينگ‌
 
دلالتي‌ كوپدور، گتيرمز ديله‌
عرب‌ آط‌، آسور جيدا، آلماز تيغ‌ بيله‌
اوغشان‌ جنت‌ ايچره‌ قيرميزي‌ گله‌
گرك‌ خوشروي‌ پريزادي‌ ييگيدينگ‌
 
مختومقلي‌، بولسا ييگيت‌ خروجي‌
عدالتي‌ بيله‌ ديوان‌ سوريجي‌
هر يرده‌ گركدير، بير پول‌ بريجي‌
گورلده‌سي‌ ــ خوب‌ اوستادي‌ ييگيدينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی