سالي‌يكانينگ‌



آقالار، دنيانينگ‌ پاياني‌ بولماز
ايش‌ باشا دوشنده‌، دوغاني‌ گلمز
معركه‌ده‌ اويناپ‌، هيچ‌ گووني‌ قالماز
آرمان‌ بيلن‌ گچر سالي‌ يكانينگ‌
 
بير يكه‌ ييگيدينگ‌ بيلينمز ايشي‌
الينده‌ مال‌ بولماز، گوونينده‌ خوشي‌
ياسسيق‌ چكيپ‌ ياتسا ــ آغيرسا باشي‌
گوزونده‌ قانلي‌ ياش‌ دولي‌ يكانينگ‌
 
يكه‌-يتيم‌ قايغي‌-غمدان‌ قوتولماز
ميليس‌لر قورولسا، آدي‌ توتولماز
آنينگ‌ اوچين‌ هيچ‌ آلادا اديلمز
قايغي‌دير-كلفت‌دير حالي‌ يكانينگ‌
 
بارلي‌ اولسه‌، اولي‌ ايله‌ يايران‌ دير
غريب‌ اولسه‌، آنينگ‌ ايزي‌ ويران‌ دير
بو ايش‌لره‌ عقل‌-هوشونگ‌ حيران‌ دير
گوموليپ‌دير شيله‌ يولي‌ يكانينگ‌
 
مختومقلي‌، يالان‌ - ياشريق‌ سوزله‌مه‌
نقصانينگ‌ ايچينده‌ خير گوزله‌مه‌
يكه‌ليك‌ دردينگي‌ دييگين‌، گيزله‌مه‌
ايل‌-اولوس‌ ديردوستي‌-ياري‌ يكانينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی