ساچدي‌محمد



اول‌ دسلاب‌ باريب‌ خيبر داغيندا
كافرلار قانيني‌ ساچدي‌ محمد
لكاهوردا، سكوان‌، كابل‌ شهرينده‌
جفا چكيب‌ ديني‌ آچدي‌ محمد
 
عاشقلار باش‌ اولوب‌، عشقا موننده‌
ط‌وره‌ نظ‌ر دوشوپ‌، داغلار ياناندا
براغ‌ گونكدن‌ گليپ‌، يره‌ ايننده‌
رف‌رف‌ مونوب‌، عرشه‌ اوچدي‌ محمد
 
ميكاييل‌، اسرافيل‌، عزراييل‌ بيله‌
گلدي‌لر، دوردي‌لار جبراييل‌ بيله‌
سير اتدي‌ سلسبيل‌، زنجبيل‌ بيله‌
كوثر آريغيندان‌ ايچدي‌ محمد
 
معراجينگ‌ گيجه‌سي‌ سيره‌ باراندا
اول‌ جبراييل‌ امين‌ بيله‌ يورنده‌
بهشت‌ قاپي‌سيندا گليپ‌ دوراندا
"بسم‌ الله‌" دييپ‌، ايشيك‌ آچدي‌ محمد
 
مختومقلي‌، اوزگه‌ ديني‌ بوزدي‌لار
اقليم‌ - اقليم‌، شهر شهر گزدي‌لر
جفا چكيب‌، اسلام‌ دينين‌ دوزدي‌لر
آلتميش‌ اوچ‌ ياشيندا گچدي‌ محمد

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی