سيرگيدر



كوپ‌ نامرده‌ مال‌ بريپ‌ سن‌ دون‌ دنيا
گوزي‌ گوكده‌، قايغي‌سي‌ يوق‌، سير گيدر
قاني‌ عقيلنگ‌؟ اودا دوشوپ‌ يان‌، دونيا
نه‌ مردلر بار، يوقسول‌ليقدا خور گيدر
 
آز عمرينگي‌ سورسنگ‌ الوان‌ عشرتده
سونگ‌ شيرين‌ جان‌ قالار اوزين‌ حسرتده‌
آقماقلار بو يرده‌ قالار غفلتده
عاقل‌ بولان‌ اوز غميني‌ ايير گيدر
 
نه‌ دوغري‌ گله‌نه‌ مهرينگ‌ ايندردينگ‌
نه‌ گلمانه‌ سوغات‌ - سلام‌ گوندردينگ‌
هيچ‌ فرقي‌ يوق‌ سنده‌ مردينگ‌، نامردينگ‌
آرسلان‌ اوتر، تيلكي‌ گچر، شير گيدر
 
پيدا ديلاپ‌ گلن‌ دنيا شهريندن‌
جانين‌ بريپ‌، قوريپ‌ قالار قهريندان‌
دنيا مردار، اول‌ ييلانينگ‌ زهريندن
توي‌ دوكولر، قانات‌ قيرلار، پر گيدر
 
دنيا زن‌ دير، كوپ‌ اويناشلي‌، اري‌ بير
بير اوپوشده‌ اتينگ‌، قانينگ‌ سوروبيير
اولندن‌ سونگ‌، شاه‌ و گدا باري‌ بير
موندان‌ هر كيم‌ بولدوجاغين‌ قوير گيدر
 
آدم‌ اوغلي‌ يالانچي‌نينگ‌ يالانين
چين‌ سانيپ‌ دير اگري‌ باقيپ‌ گوله‌نين‌
غم‌ چكمه‌، اي‌ آدم‌، هر كيم‌ آلانين‌
قرض‌ مالينگ‌ دير، ينه‌ قايديپ‌ بيير گيدر
 
مختومقلي‌، گويچلي‌ بيله‌ دالاشمانگ‌
خيري‌ قويوپ‌، شر ايش‌لره‌ اولاشمانگ‌
ياغشي‌،يامان‌ سوزوم‌ كوپدور،قاليشمانگ‌
نچون‌، هر كيم‌ بيلديجه‌گين‌ ديير گيدر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی