شوندادير



ياغشي‌لار توتموش‌ بنا، بير شهري‌ گوردوم‌ ـ شوندادير
عشق‌ متاعي‌ ساتيلان‌ بازاري‌ گوردوم‌ ـ شوندادير
خوب‌ شجرلر بوي‌ چكيپدير، باري‌ گوردوم‌ ـ شوندادير
آري‌ گل‌دك‌ پري‌لر فرخاري‌ گوردوم‌ ـ شوندادير
يوز كرشمه‌ - شيوه‌لي‌ دلداري‌ گوردوم‌ ـ شوندادير
 
قايم‌ اولسانگ‌ ايسته‌مزلر، گيتسنگ‌ كه‌، آواز ايله‌يير
سوزله‌سنگ‌ برمز صدا، سوزله‌مه‌سنگ‌، راز ايله‌يير
كونگلونگني‌ بند ايله‌ييپ‌، اوزونگني‌ پرواز ايله‌يير
بير پري‌ پنهان‌ اوتورميش‌، "گلمه‌!" ديييپ‌ ناز ايله‌يير
اول‌پري‌ پيكر صفتليغ‌ياري‌ گوردوم‌ ـ شوندادير
 
اول‌ خضر، الياس‌ ايلن‌ احمد، سليمان‌ آندا بار
اول‌ سليم‌ شاه‌ مكه‌ خان‌ ابن‌ سلط‌ان‌ آندا بار
بايزيد، سلط‌ان‌ ويس‌، خرقان‌، سفيان‌ آندا بار
بير نيچه‌ مجنون‌ كيبي‌ چاك‌ گريبان‌ آندا بار
دانيال‌، موسي‌ عصاسي‌ ـ ماري‌ گوردوم‌ـ شوندادير
 
بحر ارا باليق‌ ايچينده‌ راحت‌ ايلاپ‌ اوقلانان‌
امتحان‌ اوچين‌ آنگا كرم‌ كلان‌لار بكله‌نن‌
دوست‌ اولوپ‌ اللهينا، دوشمان‌ قولوندا ساقلانان‌
منجنيق‌غا باغلانيپ‌، بير آتش‌ ايچره‌ اوقلانان‌
كعبه‌ بنياد ايله‌گن‌ معماري‌ گوردوم‌ ـ شوندادير
 
يوز ييگريمي‌ دورت‌ مونگ‌ ينه‌ يدي‌ يوز پيغمبري‌
اوچ‌ مونگ‌ اون‌ اوچ‌ مرسل‌ آنلارينگ‌ وحي‌، تاج‌ سري‌
يوز ييگريم‌ دورت‌ مونگ‌ دوردانه‌نينگ‌ سن‌ باش‌ گوهري‌
امتينگ‌ شافعي‌، مختومقلي‌نينگ‌ منظ‌ري‌
اول‌ محمد احمدي‌ مختاري‌ گوردوم‌ ـ شوندادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی