شاسي‌قلندر



عاشق‌لار اهلي‌نينگ‌ خاني‌، سلط‌اني
تجلي‌ تختي‌نينگ‌ شاسي‌ قلندر
گزرم‌ يوللاري‌ ييتيريب‌ يارني
بيلمه‌نم‌، خبر بر، قايسي‌، قلندر
 
من‌ بو يولدا شونچا ذله‌ بولموشام
مانده‌ قاليپ‌، عاجزليغيم‌ بيلميشم‌
شبلي‌ني‌، مجنوني‌ آليپ‌ گلميشم‌
پهلوان‌ پورياني‌، ويسي‌، قلندر
 
خبر آلديم‌ باغي‌ بوستان‌ گليندن
رنگي‌ سولميش‌ بادي‌ خزان‌ يليندن‌
گرداني‌ كج‌ قهبه‌ فلك‌ اليندن
هميشه‌ توتارميش‌ ياسي‌، قلندر
 
خوشليغيم‌ يوق‌ اويناماغا، گولماگه
رقيب‌ قويماز دوغريليبان‌ گلماگه‌
بير خلوتدا يار خبرين‌ آلماغا
سنده‌ بار آشناليق‌ ايسي‌، قلندر
 
گونديزينگ‌ فكردير، اوي‌ دير آغشامينگ‌
بو رسمه‌ گچيرديم‌، وقتين‌ ايامينگ‌
يا رب‌ كرم‌ اتسنگ‌ بيزه‌ بير جامينگ
قيمتين‌ آيت‌،نه‌ بهاسي‌، قلندر؟
 
سويسنگ‌ اول‌ يارادان‌ قادر سبحاني‌
من‌ غريبي‌ شاد ايله‌گين‌ پنهاني‌
گوتردي‌ عالمي‌، توتدي‌ جهاني‌
عاشقينگ‌ نالاسي‌، سسي‌، قلندر
 
مختومقلي‌ آيدار، استخوان‌ سنينگ‌
تن‌ سنينگ‌دير، دامار سنينگ‌، قان‌ سنينگ‌
قيمت‌ اوچين‌ عقل‌ سنينگ‌، جان‌ سنينگ‌
دوداغيما توتغيل‌ تاسي‌، قلندر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی